如果鳳爪,排骨,飯係鐵三角既話，甜豉油就係神之水滴
如果鳳爪，排骨，飯係戰隊既話，咁甜豉油就係戰隊入面既合體武器
.沒有槍的士兵等同任人宰割既人，就好似無左甜豉油既爪排骨飯，連劣食都稱唔上！係垃圾！！！！
雖然只係一盎平平無奇既飯，但係沾上閃閃新輝既甜豉油，簡直就係美食上面一屠金箔！！！
父親節兄弟姊妹送乜野山珍海味
帶老豆去酒樓到，叫既係灌湯餃，揚州炒飯，上等龍井
而我默默咁係點心紙上點左鳳爪排骨飯
再叫甜豉油另上，同埋普洱
當飯送到黎，陣陣飯香，再將甜豉油倒上
果陣香味淆合埋一齊，對老豆黎講就係最大既父親節禮物！
如果每舊火腩都經過紅紅烈火，百度高溫
係經過歷煉, 係經過漫長既試鍊
每一舊都有佢既歷史，佢既故事
咁鳳爪就係由雞腳加入紫金醬，豉汁鍊成
所謂飛上枝頭變鳳凰，由山雞轉生為不死既鳳凰
佢既爪，經過口中每一個關節，每一個軟骨
就如同口中跳躍一般，再顯鳳鳴
而戰隊黎講，鳳爪有力擔當紅戰士既位置
但藍戰士既排骨，係鳳爪排骨飯入面
飯最多之外，其次就係排骨！
排骨數量不多不少，數量置中
即係本身係一排平平無奇既肉骨，但經過幾番醃製
仲要加上由大豆力浸三日三夜，加上豆汁，
鹽封缸27日曬乾，蒸煮，攤曬，再蒸曬，反覆三次，三曬後即得成品－豆豉！！
呢一個好拍擋同埋－小紅辣椒切片增加我地既胃口，排骨既肉汁成為隊中不可多得既精髓！
而飯就簡直係無個性戰隊入面同舊飯一樣既黃戰士咁！
睇黎大大份，但擁用既力量非常驚人，每一粒都包含住農夫既心意
食每一粒米飯，都係百感交集，紅藍黃三戰士再加上係蒸爐／煲內，
經過燎原烈火，萬度高溫，水溫。推祟為美食界既王
呢個鐵三角本是無械可擊，但係每一個戰隊，英雄，超人都有佢既必殺技
而鳳爪排骨飯不可缺少，係飯中既靈魂人物既係甜豉油！！
加上甜豉油既鳳爪排骨飯，無論鳳爪，排骨定飯都將佢既味道推到極點
每一樣野只要送入口中，都係激發味蕾，無限享受
食一啖飲一口普洱 ，就好似劉關張係口中大戰呂布一樣
百般滋味在口頭！