是咁好樣的.
條QQ妹3年前識, 係廣州食過兩次飯, 兩次都遲到1粒鐘, 波平樣唔靚, 最重要係無下文, 無手拖無咀鍚無西Hi, 真係食完飯就走人個隻.
之後話係廣東搵唔到野做, 要返家鄉. 佢老家係深山, 搵野做就是落山.
有次同我講無曬錢, 無地方住, 全身得返100蚊, 無飯開, 要訓街. 見佢講到咁向左走向右走慘, 就借3千人仔比佢用先.
3千唔多, 夠佢用1個月, 唔會餓死住.
半年後, 又話無野做, 無錢, 要生要死咁, 好, 我又信佢, 又再借3千比佢.
佢成日都話有錢就會比返我, 大家都明, 都係講下個種.
之前又話搵唔到野做, 要死返老家, 老家屋頂穿左, 有風有雨, 同我講, 要2萬野先整得返佢.
我心諗我幫你唔止, 重要幫埋你老豆間屋, 我幾時變左黃大仙, 有救必認?
我叫佢唔好理呢d野, 搵左工先.
如是者, 又過左半年.
今日同我講, 想同同事夾錢開鋪賣杉, 要我借3萬比佢.
我梗係唔借啦. 我有事, 身邊都未必有人會幫我, 你講兩句就想賺年薪?
講講下就話有個南京仔睇中佢, 不過佢唔想靠佢, 因為唔鍾意.
我心諗, 你咁好樣衰, 有人要就應該要快馬上路, 重要講咁多野.
又講講下佢就唔高興, 問我拎個a/c, 話要還返錢比我, 話自己做人要骨氣.
故仔係咁多, 下星期睇下佢有冇錢還, 再續繼.