熱戀扮唔熟、拍拖扮分手、明明注咗冊就話「結婚一定會通知大家」，睇得多娛樂新聞，唔好話俾我知你仲信藝人把口！最近大話王又多一個洪永城，上年暑假開始同唐詩詠傳緋聞，爆響口話想追女方。你以為佢誠實？實情拍拖三個月、電視城內一早通曬天！
既然開咗個頭，惟有一個大話再冚另一個大話，上周女朋友一場嚟到洪家鯉景灣，明明系送上門撐台腳，洪永城都因為怕被記者撞破，急 call朋友做大茄，一餐飯各自臨時臨急一個街頭一個街尾分開食。這麼遠那麼近，真系有情趣啲？
出席活動公開對唐詩詠有好感
當晚（上月 27日），洪永城返回鯉景灣後發現記者，令原先約會女友大計冇望，速速轉 plan，兩人同時 call救兵做「分頭食」大龍鳳。
明顯情侶通常都系俾人踢爆在先，冇得唔認在後。有辦你睇，黃翠如同蕭正楠公開戀情後不知幾恩愛，仲唔多唔少幫到套定情大台劇收視。相反好兄弟洪永城就鍾意化簡為繁，明明去年八月已經傳拍拖、踏入熱戀期，日前至懶誠實公布要出力追求，把口 delay過事實成季！
扮睇餐牌
洪永城活動後先到鯉景灣蘇豪東，研究各餐廳餐牌之際，才發現記者蹤影。
誇張召friend
嗰頭洪永城有男性友人應召陪食，呢頭遲十分鐘到鯉景灣的唐詩詠，亦惟有硬著頭皮坐入一間泰式餐廳，仲作勢揮手叫女友人陪食，誇張又假。
本來專攻西餐廳的洪永城，突然轉 plan，直入光猛日式飯堂內，一入座就一輪嘴似用手機通風報信兼 call同性友人救駕。
入座後一樣系忙打電話急召友人，十分鐘後女性友人到著，拍拖撐台腳變 she she聚會。
大龍鳳
公開追求多約會多見面，反而借傳媒表白後，洪永城日日單身行動，唔敢約女友。
無論系追緊人定拍緊拖，約食餐飯仔又有幾閒。上周二（ 27日），洪永城活動後返回鯉景灣住所，在樓下蘇豪東各式餐廳門口逐間研究餐牌，明顯系篩選餐廳約女朋友食餐好嘢。不過警覺性高過人、又怕戀情見光死，睇睇下西班牙菜、義大利菜，途中卻發現記者影蹤，最終走入日本餐廳，一坐低唔睇菜牌先，第一時間又打電話又寫短訊。
十分鐘後，男性友人應召出現，二十分鐘後，唐詩詠亦都現身。又話追求中、又話好朋友，邊個好朋友會經過食店連招呼都唔打個？家住將軍澳清水灣半島飛撲到鯉景灣，不過臨門一腳又系急 call應召女性友人，轉 plan走去食泰菜。為乜搞到一餐飯要食到一個街頭一個街尾？真系呢對情侶先至明。
經過扮睇唔到
家住將軍澳的唐詩詠近月經常被目睹在鯉景灣出入，而洪永城正住在蘇豪東餐廳區附近的鯉景灣。相隔 20分鐘、晚飯時間出現在鯉景灣蘇豪東，不過一個食泰菜一個食和食，相隔僅僅三個鋪位。
愛的印記
一時話想追、一時又改口了解中，無論點講都好，洪永城系唔肯講事實。其實二人早於去年 8月已經傳撻著，到 11月正式行埋，仲有人證有物證添！
無線姐仔小生開工例必一人一張摺椅跟身，唐詩詠把獨一無二的「蜘蛛俠」摺椅轉借男友洪永城使用，被《張保仔》工作人員現場踢爆。
單身多年的唐詩詠去年九月罕有地在網上曬收花，有指盒心型禮盒裝鮮花，系洪永城由香港空運到上海，給在當地拍攝《梟雄》的唐詩詠。
撈亂凳
其實去年初拍《載得有情人》首次合作情侶，已經有傳 31歲洪永城放棄林夏薇，轉冧 33歲唐詩詠，八月仲被拍到同游赤柱。
九月劇集出街、為宣傳日見夜見，兩人愈行愈埋；到十一月《張保仔》拍得如火如荼，更俾服裝阿姐發現冇份拍套劇，陪住洪永城開工的竟然系唐詩詠張御用摺椅。工作人員轉述洪永城死撐：「邊系啫！啲凳張張都一樣！」可惜唔夠服裝阿姐眼利又企硬：「冇可能！呢張明明系唐詩詠嗰張！」自此洪永城與唐詩詠的情侶關係即成電視城熱話。
大龍鳳飯局後，洪永城在寓所附近接受記者訪問，繼續笑騎騎死撐：「佢梗系好女仔，但系我哋無拍拖。」
據悉唐詩詠一向系千嬅粉絲， 26號晚千嬅演唱會，洪永城就帶埋女友一齊睇拍拖睇騷，還齊齊入後台合照集郵。
唐詩詠有新歡，舊愛崔建邦亦一樣有新女，早前本刊便發現戴住口罩的崔建邦跟嫩模女友陳嘉莉拍拖！對於唐詩詠有新戀情，崔說：「如果系真當然恭喜，我都想佢開心。」
「儲 3000 like就公開」
緋聞一早開始傳、戀情又先行在大台見光，照計有幾個月適應期，公布戀情一啲無難度。勢估唔到洪永城唔等拍拖相曝光、本刊記者早前曾當面提問，洪例牌回應答：「唔系拍拖……佢去咗馬來西亞嘛！（你又知得咁清楚？）佢當然系好女仔啦，我哋系好朋友嚟！」
至上周二（ 27日）見記者再先行自爆，不過唔系爆戀情：「我哋有共同話題、又一樣鍾意食嘢，我對佢有二、三百個 like，儲到二、三千個 like就公開。」呢頭表白完嗰頭有記者電話訪問佢即改口：「美麗的誤會呀，我系話大家了解中、唔系發展中！」即系點？去下停下，又再倒後退幾步，洪永城啲步伐好難捉摸喎！
揭洪永城嗒「唐」之謎
崔建邦同洪永城，一個曾經被唐詩詠愛到難捨難離，一個令女方諗起都冧，原因可能系…
洪永城主持過多個旅遊節目，包括有線娛樂台《活得很滋味》同無線《走過乜乜大地》系列；而崔建邦就都算得上系《勁歌頒獎禮》御用司儀。
除了說話冧到人，原來唱歌一樣得，早前洪永城同唐詩詠接受商台訪問時，就大展歌喉冧女神；而Amigo唱功都有返咁上下。不過最能夠令唐詩詠開綠燈俾洪永城慨原因，竟然系眼細細、面型有少少包慨洪永城，某幾個角度望落去，竟然似似地Amigo？洪永城唔會變「愛的替身」吧？