小學生最中意ge零食非媽咪麵莫屬
小息見到同學食 一定會上前問:「請我食d丫。」
雖然對方一定想自己一個嘆 但絕少會拒絕同人share
問題係會請你食幾多咁解
如果大家係老友的話 當對方攤隻手板出黎之後
就會好大方咁倒一堆麵落佢手上 甚至將包麵伸向前講:「你自己拎啦。」
老友接過麵後 就會頭微微向上 手緊接將掌心ge麵啪落口
不過幾frd都好 見好就要收 因為「添食」對方一定會唔高興
所以第一次通常會出動多幾隻手指 希望盡量拎多D
至於純粹同學 非老友的話 當佢攤出手板時
只係會倒少少出黎 倒ge時候要chok下chok下包麵
以防一唔小心 動作太大會倒「過多」麵出黎
可知道媽咪麵一到對方手上就覆水難收
如果唔好彩 遇到麻煩友 要求自己從包裝內拎麵的話
咁就要耍小小手段應付
方法就係 將小量麵chok向包裝口 然後用食指同姆指扣住包裝上半部
結果 對方可以拎到ge媽咪麵就多極都有限#yup#
小學生就係咁簡單 想知道對方係咪當你朋友 一包媽咪麵就分得清
但呢一刻我已經唔知道身邊ge人究竟會分幾多媽咪麵俾我
或者我一直認為會大方同我分享ge人 事實上反而係分少少個個
甚至我一路以黎都係對方心目中ge麻煩友
平時我提出一d如分享媽咪麵ge小要求 對方都會千方百計咁去敷衍我
其實我只係想搵一個真心願意同我分享媽咪麵ge人 當我有麵ge時候 我亦可以好開心咁同佢分享
可惜現實上 拎麵ge人太多 分享ge就太少
點解以前讀小學都明白同做得到ge事 長大之後反而會做唔到呢?