之前小編出文講過「女朋友最憎聽到嘅「關心」！真系難聽過粗口」，結果好多巴打評論話，點解唔講下男朋友都好憎聽到嘅說話。
OK，而家就同大家講下～
1.「唔使理我喎！我無嘢呀！」
呢句嘢應該系情侶相處嘅時候都經常出現，好多人根本自己嬲緊但就習慣扮無嘢，叫對方唔好理自己。咁樣除咗無解決到兩者出現磨擦嘅原因之餘，更會有機會令男方變得冷漠，因為你真系話自己無嘢唔使佢理你丫嘛！
2.「哇！我以前個男朋友都系咁架！」
喂喂喂！好大嘅膽呀！竟然系自己個男人面前提起你之前個男人？對於占有欲極高嘅男人嚟講簡直系死罪嚟！唔該真系收埋繫心入面好喇！換轉諗下男朋友忽然講：「我以前個女朋友都系咁架！」你都會呷醋啦？同埋會令你諗起：「唔通佢掛住佢個EX？」
3.「我真系好肥呀！！！好憎自己咁肥！」
成日聽住同一句說話，鍾意你都覺得煩啦！更甚嘅就系如果你男朋友都唔介意，無謂逼佢同意你嘅講法啦！如果你真系想減肥，不如就坐言起行啦！唔好成日得個講字，呻完都唔會瘦架喎！
4.「嘖！我咪搵過第2個。」
有時比男友激一激，女仔就會衝口而出話：「我咪搵過第2個男朋友咯！無咗你我會死咩！？」無錯講完之後，系會激親對方，但講真呢句說話簡直系直插心臟，超Hurt！你講得出嘅話就真系預咗有分手嘅可能先好講，如果唔繫到時佢因為咁而走咗，就唔好怨人喇！
5.「你真系無事？真系無嘢？」
擔心對方系需要嘅，但過分嘅擔心就會令人透唔到氣。咁樣除咗令佢無咗自己嘅空間同時間消化正在面對嘅事情，仲有可能令佢需要騰出更多時間同你解釋。所以都系默默系佢身邊支持，等佢慢慢解決自己嘅問題吧！
6.「你覺得前面個女仔正唔正！佢對腳靚過我好多咯！」
你咁樣問佢，佢都唔知答咩好。答「正」，就會比你話掛住睇女仔，唔鍾意自己喇；答「唔正」，就會比你話講大話，好鬼假。咁所以你話唔嬲就有假啦！唔好再問喇！
7.「我個frd比人飛咗呀！唔好話比人聽喎！」
可能有時自己心裏面有點點嘅壓力，會想講出嚟比男友聽下，但其實講咗出嚟又要訂下規條，系會加重佢哋嘅負擔，令佢哋捲入本身唔想參與嘅漩渦裡面。假如自己男朋友系識自己個frd個男友，咁就真系出曬事啦！所以女仔之間嘅秘密都系收埋比女仔知好喇！
8.「如果我哋結咗婚呢／如果我哋生咗BB呢~」
女仔嘅幻想好多時候都會圍繞住同另一半組織家庭，關於未來大家一齊相處嘅完美畫面。但系自己而家只系男女朋友關係，或者對方真系未有諗到咁遠架！如果成日都提住類似嘅話題，男方就有機會覺得你系比壓力佢。其實呢D嘢真系無得逼架！都系順其自然啦！
9.「哎呀放咗督屁~呵呵」
雖然話就話兩個人一齊咗，形象咩嘢都唔會點理，但點都要顧及場合，有返少許嘅矜持好啲。
10.「你阿媽好煩！」
就算幾唔鍾意伯母，佢點都系你男人個阿媽，都系一個長輩，所以都系唔好咁直接，比返少少尊重較好。留返啖氣去做自己鍾意嘅事，莫為自己唔鍾意嘅人激氣啦！
金句王
微信號：jinjuking