Monster Sushi由6月1日起至6月30日全線推出指定菜式HK$6優惠。
6蚊1件壽司平唔平？如果係外賣嘅話當然唔算平，但堂食就唔係咁計，仲要壽司以外，另有別注瀛食，包括蟹餅、鯛魚薄切、冷豆腐等，係咪筍 先？Monster Sushi由6月1日起至6月30日全線推出指定菜式HK$6優惠，各分店每周提供數款別注限定美食，好似首周就有鮭魚柚子壽司、燒海膽飯糰、火炙芝士皇帝蟹 棒壽司、炸北海道奶油蟹肉餅等，而下周則有海膽蔥拖羅冷豆腐、鯛魚薄切配辛口醬汁、雜錦刺身沙拉等，之後還有特大赤海老壽司、味淋魚乾、鹽燒秋刀魚等，多 達30款限定美食，碟碟HK$6，但每檯最多柯打3碟，當中可以重複柯打，例如3個Quota叫曬火炙芝士皇帝蟹棒壽司咁，爽！
多款HK$6美食中有小記最愛的特大赤海老壽司，每檯最多柯打3碟就當然去到盡啦！
鮭魚洋風薄切分量不少，肥美鮮嫩的三文魚配自家調製的醬汁同吃，別具風味。
6月第二個星期供應的HK$6美食款式之一──海膽蔥拖羅冷豆腐，海膽甘香、拖羅肥美，配滑嫩豆腐，清新鮮美。
最愛皇帝蟹腳啖啖肉的口感，首周推出的優惠選擇之一的火炙芝士皇帝蟹棒壽司，加入芝士為蟹肉添加鹹香味道，滿口鹹鮮滋味。
Monster Sushi主打傳統江戶前壽司，糅合現代烹調技術與創意炮製出一系列多元日式料理，連餐廳內裝亦配合主題，走型格摩登風味。