嘩嘩嘩！方力申真系好犀利，為咗一場騷肌戲，佢可以用兩個星期瘋狂keep fit，又做運動又食清淡嘢，憑住佢堅毅不屈嘅精神，終於喺14日內減咗成15磅，即系差唔多14斤呀，平均一日1斤咁上下，使唔使咁勁呀！
減肥都唔系重點，重點系小方用14日將肥肉變肌肉，舊舊都突曬出嚟，勁爆肌呀！
不過究竟小方系點樣喺14日內練到咁嘅樣，再減咗15磅呢？我哋就同大家分析下啦，順便偷下師呀嘛！
1. 朝早跑8公里
當你朝早起身個人都未醒嘅時候，小方就已經跑咗成8公里，會唔會太勤力呀？
2. 每日操練唔同部位
再嚟，就系佢每日都會練唔同部位嘅肌肉，一日練胸一日練肩咁，難怪佢啲肌肉咁均勻啦！
3. 調節飲食
做完運動瘋狂食嘢，只會愈嚟愈肥，所以喺小方keep fit嘅時候，佢都忍口食啲清到冇得再清嘅嘢。
未健身之前，小方都好鍾意食下午茶果啲。
依家keep fit喎，人哋叫咩食都唔關自己事，匿埋一邊食烚雞烚菜啦！
古乳有暈：「唔付出又邊有收穫！」，所以小方喺兩個星期內，完全冇偷懶，食嘢清淡，又日日做健身，可能做gym嘅時間仲長過佢瞓覺，咁想唔瘦都難啦！
金句王
微信號：jinjuking