早前韓國劇集《太陽的後裔》熱爆全亞洲，男主角宋仲基更憑劇集成為眾女心中慨男神，之後有網民話覺得香港藝人張松枝樣貌同仲基Oppa有幾分似樣，估唔到張松枝今次真系扮Oppa，而且反應仲相當唔錯！
「原來都系個黐線佬」
最近有公司搵嚟「況天佑」尹天照拍網上飲食短片《我同殭屍有個約定》，片段被分拆開幾節，而其中一段就系請咗港版「宋仲基」張松枝飾演「餸仲基」。二人攜手合作，一齊大放笑彈！短短數天已經吸引25萬次瀏覽，唔少網民留言大讚張松枝扮Oppa扮得好似，仲笑搞鬼演出慨佢原來都系個黐線佬，形象比以往飾演奸角更為討好！
片中故事講述離開「亞視」後慨「況天佑」開咗一間旅館，每次客人退房時，如果客人能煮到令佢滿意慨菜式，就可以免收旅費。鏡頭一轉，「況天佑」發現自己甩鞋帶，於是踎低想綁鞋帶，點知著上一身軍服造型亮相慨「餸仲基」突然極速彈出嚟，仲重演《太陽的後裔》宋仲基幫宋慧喬綁鞋帶慨經典一幕，HeHe味甚濃！綁完鞋帶後，「餸仲基」解釋佢系嚟退房慨，老闆「況天佑」於是開價860港元，「餸仲基」於是畀咗張大面額銀紙出嚟，仲認真豪氣咁話唔使找添！點知「況天佑」一睇…發現張銀紙系Won（韓圜）嚟，於是沉住氣咁話「呢度系香港」…單系呢一幕，就已經夠曬爆笑！
除此之外，「餸仲基」仲不時爆出一、兩句韓語，十足真Oppa一樣！之後佢仲煮咗道「太陽的後面」，其實就系太陽蛋泡菜炒麵，不過「餸仲基」原來系流料，畀「況天佑」話只蛋似皮蛋之餘，泡菜又變咗菜心，認真搞笑！
其實除咗張松枝扮宋仲基成為亮點之外，經典角色「況天佑」依然深入民心，有網民大讚其幽默演技有驚喜，仲話想睇埋「馬小玲」（萬綺雯）一齊參演添！不過，最好笑都系有網民問尹天照系咪Cosplay劉松仁，睇睇嚇尹天照呢個造型，同劉松仁真系有幾分相似喎！
網民有話兒：
救命阿好靚仔阿枝枝！！！！
幾好笑，估唔到尹天照有驚喜慨演繹
之前已經覺得呢位演員同宋仲基好似樣，點知真系會扮佢，不過睇得佢奸角咁多，點扮都冇宋oppa個（嗰）種甜味呀(≧▽≦)
畢XX：尹天照先生你終於出嚟，因為《我》（我同殭屍有個約會）這套電視劇太好看啦！
羅X：咁佢戴住副太陽眼鏡，驟眼睇又確係有幾分相似，不過成段片都好搞笑
故事講述「況天佑」（左）離開亞視後，開咗一間旅館做老闆。
「況天佑」甩鞋帶…「餸仲基」突然撲出嚟。
第一時間幫「況天佑」綁鞋帶…呢一幕HeHe味相當濃。
有人話尹天照（左圖）呢個造型好似劉松仁…
張松枝戴咗仲基黑超後型仔咗。
「餸仲基」退房時豪氣話唔使找，但佢畀咗一張韓圜紙幣，呢一幕認真爆笑！
「餸」Oppa大顯廚藝，教煮「太陽的後面」！
兩人仲重演《太陽的後裔》中宋慧喬同宋仲基摸黑食公仔麵慨浪漫情節。
今次變咗黑媽媽同「殭屍」食麵又唔同講法，反而多咗一份靈異感…
最後播幕後花絮時，「餸仲基」狂Chok甫搶「況天佑」鏡。