無線一向人才輩出，昔日就有「飛檐走壁關禮傑」，關禮傑曾經喺無線劇《神槍狙擊》使出飛天神技，輕鬆跳過兩棟樓！最近無線再獻新猶，今次慨人才就系藝人岑麗香（香香），佢喺熱播劇集《火線下的江湖大佬》使出驚人飛天技，佢仲勁過關禮傑，今次佢直情飛出宇宙呀！
事緣喺日前一集《火線》，香香參加舞獅比賽，佢啲對手表現出色，香香一出場就因為突然諗起男友楊明，搞到心不在焉，仲差啲跌低添。不過訓練有素慨香香，又點會咁容易失手，佢為咗可以勝出比賽，施展渾身解數，使出苦練絕技「宇宙飛星」！
香香喺冇助跑情況下，由一邊「飛」去另一邊，距離有成十幾米架，香香喺空中停留近五秒，舞獅一下子就飛出宇宙！介紹番，根據物理原則，人類跳起後喺空中停留慨極限時間為1秒，飛人米高佐敦都系0.9秒左右，所以香香呢招「宇宙飛星」，真系違反物理學！網民仲話香香擁有呢個飛天技術，應該去參加奧運，為港爭光，因為奧運男子跳遠世界紀錄都系得8.9米咋！網民話估唔到香香不但外表甜美，原來都咁臥虎藏龍。
網民有話兒：
衛xx：幾時key 落關禮傑段片？
Kxxx Chan：咁舞師果d（嗰啲）咪個個可以參加奧運跳遠？
Mxxxan Chung：仲要凌空自轉再落地，好似卡通片D（啲）人 變身咁
Cxxxk Lun Tam：其實系片石轉身
Yip xxxat：世界級跳遠
香香出招喇！
距離有十米左右。
返去練嚇啦！
飛呀！
Easy job啦！
米高佐敦最勁都系停留喺空中0.9秒左右。
衝出宇宙。
關禮傑有對手喇。