現年34歲，出道時打著小室哲哉徒弟旗號，2013年在有線轉投無線的譚凱琪（Zoie），在娛樂圈打滾16年，事業未見有大起色，當然要趁機會泊個好碼頭！
今日有周刊報道指Zoie兩年前搭上餐廳少東莊日宇（Enrico），報道指其男友出手闊綽，去年以千五萬買入九龍塘單位，同Zoie展開同居生活，現在Zoie更手握財政權、住大屋。
Enrico家住加多利山，是多間餐廳老闆，去年底以1490萬買入位於九龍塘低密度屋苑帝景峰築愛巢。男方又將旗下美式餐廳交由女友管理，甚至部分股份轉到Zoie名下。
報道指，Zoie每逢有時間，便會到餐廳幫手下單，又跟酒保學調酒，凡事親力親為又勤力。之前Zoie被發現與男友行街，男友買東西更由Zoie簽卡給錢，未婚已手握財政權，所以被指穩袋飯票。
▼她出道時打著小室哲哉徒弟旗號。
其實很多年之前Zoie坦承苦戀丁子高以致情緒抑鬱， 她說：「開心不開心每段感情一定會有， 但剛好那段時間沒拍拖， 工作又不順利， 家裡又發生一些事， 令我崩潰失眠。」自從脫離小室哲哉後，Zoie 一直是自由身，沒工開，惟有望天打卦，之後加入無線，今年才為人所認識，現在她找到一個好男友，生活總算無憂！
同餐廳少東 Enrico拍拖兩年，男友去年尾買入九龍塘新屋築愛巢， 34歲 Zoie有著落。
探熱針 住新屋收股份 Zoie穩袋飯票
入行 16年，同陳敏之一樣，以小室哲哉徒弟出身的譚凱琪（ Zoie）， 13年由有線轉投無線後，始於劇集《 EU超時任務》色誘戴耀明，令對方興奮「動 L」，被高登巴打封為「動 L女神」而有破局。
事業有起色，但 Zoie更著重畢生事業。出道以來專向有錢仔埋手，傳被丁子高呃「豬」的她，同富二代陳朗交過手；兩年前又搭上餐廳少東莊日宇（ Enrico），男友出手闊綽，去年尾以千五萬買入九龍塘單位，與 Zoie展開同居生活。
做餐廳老闆娘
Zoie的男友莊日宇外形唔標青，但勝在籌碼（錢）多。據了解， Enrico家住加多利山，更是多間餐廳老闆，去年尾，他以一千四百九十萬元，買入位於九龍塘的低密度屋苑帝景峰單位，準備安置 Zoie做新屋女主人。
為表誠意， Enrico又將旗下的美式餐廳 Eight Grand Bar& Restaurant，交託女友打骰，甚至將部分股份，轉到 Zoie名下。
「如果冇工開，夜晚 Zoie一定會喺餐廳幫手，佢會幫手落單，又成日叫 bar tender教佢調酒，遲嚇餐廳喺灣仔開分店， Zoie有排唔得閒。」知情者說。
又一城拍拖， Zoie主動挨住男友，好 sweet！
Enrico要配眼鏡， Zoie在旁俾意見。
Zoie在泳衣店內搜尋，主攻淺色 bikini同太陽帽。
未嫁就管錢
男友疊水，唔憂做等嫁的 Zoie，早前現身又一城睇泳衣，只見她攞住套花花 bikini研究一輪，又試嚇太陽帽，之後再揀咗條花花裙拼上身。但純粹混吉， Zoie一收到電話，即刻九秒九撲去在商場內睇緊眼鏡的男友會合。
Enrico將之前揀好的眼鏡逐副戴上讓女友過目， Zoie不停俾意見，還時不時望住男友送上甜笑。
試咗一輪， Enrico終於揀啱心水， Zoie負責簽咭俾錢。未結婚就揸數， Zoie埋岸做闊太，有著落！
入童裝店買 BB衫，二人細聲講大聲笑。
於大台劇集《 EU超時任務》中， Zoie著住 tube dress色誘戴耀明，搞到對方有反應，即被高登巴打瘋狂 cap圖，封她做「動 L女神」。