有無人覺得靜香好唔簡單！好有心計
基本上我覺得靜香一直都係個有心計既女人
完全係局勢既掌握者 盡取三方著數
大家都知道多啦a夢入面
以小夫最為有錢 出木杉最為聰明
大雄則有多啦a夢輔助
而三人明顯都對靜香有明顯既意圖 經常藉故親近 盡力巴結
而靜香既態度一直抱持係暖味 不抗拒
因為佢唔想失去任何一方既著數
好似小夫屋企有錢 成日可以係夏天去別墅渡假
而好多時都唔會預大雄 你諗下兩男一女
靜香都唔拒絕 亦甚少會為大雄爭取
只係有時會出下聲 點解？
因為大雄有多啦a夢！必要時緊係搏下大雄好感
扮到好為大雄，反正大雄轉頭一定求多啦a夢
拎d好玩既野比佢地
至於出木杉 平時靜香同佢成雙成對
為既緊係自己既成績啦 又乘機激下大雄
靜香咁細個就深明收兵之道 極攻心計
--------------------------------------------------------
大雄係劇場版溝到D囡囡好過佢多多聲
另外其實叮噹入面有一個特殊現像
當出木杉同大雄距離愈接近,大雄既能力就會降低
小學個陣,出木杉同大雄同一間小學,而大雄成日都會拿0分
到到中學,大雄同出木杉唔同中學,而大雄既能力都正常番
到到大個,出木杉去左外國,大雄就變到勁勁地,靜香都話:大雄變成一個好好既老公
而劇場版,出木杉同大雄係唔同既世界,大雄既能力已經完全解放,可以拯救全宇宙。
至於點解會出現呢個現像?
我個人推測:
現代既科學家對時空旅行有個理論--蕉皮理論:
如果你想去過去改變一件冇可能改變既事,咁就會出現一種力量去阻止你做呢件事。
或者令到個過程有極細微既改變,但結局依然一樣。
呢個世界既蓋亞,平衡番多啦A夢幫助大雄呢種力量。
後來大雄多次穿越其他世界(如果電話亭),因為原本大雄既蓋亞係管唔到其他世界既野。
因為大雄係原本既時間線去到另外一條時間線,而得到左原本時間線入面既大雄得唔到既記憶，番番去原本既世界造成蝴蝶效應改變曬原本世界既時間線，最後佢就娶到靜香。
－－－－－－－－－－－－－
另外一個簡單既例子：
大家都應該有睇過未來戰士
未來戰士入面講，未來天網派出機器人去殺死人類既救世主
但係最終條時間線都係冇咩大改變，都係天網誕生，救世主消滅天網
呢個就係香蕉皮理論。