無線藝員黃智雯與袁偉豪在將軍澳電視城為無線劇集《三個女人一個「因」》拜神，黃智雯指她的角色難為了袁偉豪，因為角色會不時變身，突然變得狂野和暴戾兼出手打袁偉豪，而袁偉豪除了受掌摑外，更會被她抓傷胸肌和鼻子。
被摑至面腫
袁偉豪笑謂享受劇中被黃智雯掌摑：「佢成日失驚無神打埋嚟，又唔系好痛，我都有啲被摑上癮。」黃智雯笑說：「有啲對唔住佢女友，因為冇留手，嚇嚇真摑，試過連續摑對方4、5巴。」袁偉豪則說：「有次拍完塊面都好似腫腫哋。」講到拍劇傷痕累累，問有沒有被女友投訴？他說：「之前已經備咗案，我收工時佢都瞓咗啦，所以冇投訴。」
大解放感尷尬
黃智雯又透露劇中變身狂野角色時，有一幕要飛Bra，當時要真空上陣，但在工作人員面前如此解放，所以拍攝時也感尷尬。講到她主演的劇集《爸B有話兒》三度被抽起播放，黃智雯表示：「演員立場已經盡咗最大努力，相信公司會安排一個最好慨時間出街。」
袁偉豪話有啲被摑上癮，唔系啩？
黃智雯曬出香肩。
黃智雯喺新劇中化身暴力狂。
黃智雯試過連續摑袁偉豪4、5巴，袁偉豪拍完個Shot時面都腫埋，慘爆！
兩人出席拜神儀式時有講有笑。
黃智雯、袁偉豪