我男朋友對我好好，好細心，我悶個陣陪我傾計，凍個陣出街會帶多件衫，病個陣會煲粥，次次出街都送我返屋企(屯門同觀塘嘅距離)，正常樣又高大，又專一。不過佢大我9年，又有幾個奇怪點，我唔係幾中意但係又未至於僧，唔知大家點睇？
首先，佢係細細個由大陸搬落嚟住，但係講到流利嘅廣東話，所以我覺得無咩問題，但係同佢食飯個陣佢好無manner，佢一坐低人地忙緊未拎menu比佢，佢就會舉手兼大嗌唔該，要落單又大嗌唔該，人地未得閒就係咁嗌，等一陣都唔得，其實同大陸人嗌服務員有咩分別？
我對d電子產品都算係白痴，咩都唔係好識，連iphone啲歌點入都唔係好識，點樣由電腦過啲嘢入電話都有困難，但係佢可以白痴過我，download啲software都唔識，註冊又唔識，都算。
之後，佢嘅教育程度並唔高，中學畢業就無讀出左嚟做嘢，我就讀緊大學，一開始我無咩所以，覺得唔會影響到啲咩，但係原來佢啲英文真係屎到一個點，姐係佢到首歌都要搵我翻譯歌詞，同埋一句完整句子都講唔到。
另外我係個sporty嘅女仔，但唔會話成日做運動，不過身體就幾好，一年先感冒一次，4 5年先大病一次(發燒個類)，但未試過入院。我男朋友高過我，180左右，有做開gym，但係就好似得個殻咁，3日唔埋2日就感冒，成日都睇醫生，之前仲試過腸胃炎入院。我唔明點解佢成日病，仲孱過d女人，佢已經經常運動，食嘢又健康，唔知點解都成日病？其實大家會唔會介意男朋友孱到咁？
其實係咪我太高要求？我認真唔知點解依幾樣嘢好唔順眼，其他就好好，大家可唔可以比下意見？