2
適中字型 較大字型
猷君執屋切親3隻手指，右手大量流血搞到入醫院做手術。 (何猷君instagram)
賭王四房孻仔何猷君前日0系美國切親右手3隻手指，仲搞到血涌如泉，去到醫院佢依然百厭仔上身po相上ig，仲講笑打唔到PS4，搞到佢阿媽梁安琪同家姐超盈不知幾擔心。
猷 君今朝就覆咗《蘋果》，遇講返件事點發生，佢就話：「美國考曬試，準備返嚟，咪開始執嚇啲箱，o個箱有啲郵件，開開嚇箱講緊電話，就斬到3隻手指。」講到 傷勢：「佢做咗個好細手術，好似切走咗啲tendon(腱)同見到骨，我0個時處於半昏迷狀態，之後要個幾個禮拜後先返去拆線。」之前佢講笑有排都冇得打 機，佢笑笑口表示：「一隻手指都打得機，不過冇咁勁，不過就一定寫唔到字、彈到琴，同寫字要打好耐。」
四太就話擔心佢傷勢，不過都笑個仔系「容易受傷的男人」，猷君冇言笑阿媽不嬲都有幽默感：「生活細節唔使特別有人照顧，我系常慣傷殘人士，我細o個只右手甩過骹、斷過兩次骨、又試過骨折，所以我只左手系可以揸筷子，乜都可以左手做，除o左寫字。」
要做切跟腱手術。
之前坐uber撞車，整親眼角。
四太阿媽又擔心，又笑囝囝系容易受傷的男人。
醫院常客，猷君都笑言系第二屋企。