做個女人都知女人同女人之間果種妒忌同比較有時其實真係好煩，就算果個人同妳平時幾friend都會有咁嘅情況，就算你唔想諗你都怕佢會諗
見過好多姊妹讀大學之前或者結婚前日日都傾電話又一齊去旅行，見面少咗之後大家嘅關係好似得返普通朋友咁樣，關心對方都似係關心對方有冇幸福過自己多d 老實講女人真係鍾意"怨人靚女笑人醜
男人同男人之間就唔同。我男友有個死黨，畢業之後大家發展都好唔同，大家好日都唔會搵對方一次，但係一見起面上你來就完全冇隔膜，傾計嘅方式同以前讀書嘅時候完全冇分別，極都完全會在意對方有冇叻個佢搵錢多過佢，乜嘢話題都講到，遇到對方有困難無論幾耐冇見冇聯絡都會第一時間沖去幫佢，果一種友誼係好似唔需要特登辛苦去建立，睇到就喺度。
睇返自己D朋友，好熟嘅姊妹唔係冇，但係好似永遠都都要大家特登去建立先至為可以維繫到...我都明白你要對人好人哋先對你好呢種道理，但係有時真係好羨慕男人果種唔計較嘅友誼。
老實講我自己比較男仔頭性格，做事比夠爽快，由細到大都好似同男仔啱咀型啲。有時候都會遇到一啲幾啱傾嘅男仔諗住大家可以成為close (又唔係男女之間嗰一種親密）啲嘅朋友，但身為女仔好多時候最後一係對方有所避忌，又或者經常比身邊嘅人唔會，甚至乎試過比對方會錯意以為鍾意佢，咁又冇咗個朋友，......點解女人咁難搵到一啲真正嘅知已