上次黎個陣，食左蝦沾麵，
覺得唔差，決定今次再黎，
試 埋豬骨湯沾麵，摸清楚佢個底。
湯底水汪汪，唔傑身，
無蝦湯咁濃。
沾麵會比拉麵咸，
一般唔會就咁飲個湯。
佢呢個濃度，
就算係無加湯割溝淡既清況下，
都唔難入口，只屬勉強夠味。
但優點在於鮮甜。
有得揀胡椒麵或小麥麵，我要後者，
但係食唔到有小麥芳香。
用上中粗麵，掛湯能力唔錯。
上檯時，係熱既，
好自然咬口會比冷麵差咁d,
但都算係可接受水平。
不過，有d麵黐埋左一齊，
打曬麵餅，影響口感。
可能係篩水功夫做得唔好。
雖然叉燒似係無燒過，
但係肥瘦均勻、肉味香濃。
總括黎講，呢碗麵好平庸。
蝦沾麵會好d,
但都未好到要排成個鐘，
又或者專程跨區入去食
不過80蚊有呢個質素 香港黎講算OK啦 仲有成隻蛋
出面呢個價錢好多都無蛋
同埋佢日日都有兩三款面揀 都算多選擇