鄧紫棋呢個動作，真係...
尋日佢貼番地，返咗香港呀。
同經理人自拍。
真係....
走喺潮流「尖端」嘅宇宙級歌手鄧紫棋（G.E.M.），近期多次妝扮都嚇人一跳，尋晚，G.E.M.回歸香港，仲喺Facebook現場直播坐開篷巴士， 同遊客一齊遊彌敦道呀！睇番段片，見佢戴特大耳環玩復古，直播時又動作多多，又同大家介紹香港靚景（應該係同外國粉絲介紹啦！）。另一邊廂，網上流出一張 佢喺巴士上「腿張開」嘅相片，十分豪放，仲有網友質疑佢露出內褲「走.光」，仲話身為「國際巨星」應該注意嚇言談舉止，點可以咁失儀不雅！
照 片所見，G.E.M.擺曬甫士，又同經理人張丹合照，而最神奇嘅一張相，係G.E.M.擘開大髀，相信當時係G.E.M.腳踢鏡頭，不雅姿勢畀人影低曬， 而張相就遭到網民一面倒抨擊，有人指張照唔應該post出嚟，亦有人反駁「除非己莫為」，歸根究底，係G.E.M.「太過唔小心」！
佢直播時動作多多。
G.E.M.呢個look....
驚變「螢光金魚」
講 番G.E.M.玩直播，原來當時係去旺角金魚街拍寫真集，不過戴上金色假髮嘅佢，無論頭、頸同手都戴住螢光圈，而臉同膊頭亦都黐滿星星同花圖案嘅螢光貼 紙，加上G.E.M.用上螢光綠嘅眼影同螢光橙唇膏，喺旺角黑夜中嘅螢火蟲，勁搶眼！不過佢就惹嚟網友劣評，仲笑佢係「螢光金魚」！
呻爆冇覺好瞓。
而寫真集拍至凌晨才完成，G.E.M.下午又喺社交網又訴苦，話今朝畀樓上裝修工程嘈醒，最後要出動錄音室錄歌用嘅超隔音耳機先才可以繼續瞓，一直瞓到下午四時才起床刷牙。