1.代答
見工form寫住19歲。
女性。
上年Dse畢業。
報稱返過8份工。
見工果陣時男友陪同。
見工果陣我問慨見工基本問題，佢都要問個男友應該點樣答
，之後我問一句：而家系你見工定你條仔嚟見工?之後我叫佢男友出去等，我問埋餘下問題，就叫個女仔返去等消息。
-------------------------------------------------------------------------
2.代子見工
見工from寫住22歲。
男性。
報稱做過3份工。
但嚟見工慨系佢阿媽，我問返要見工果個人喺邊，佢媽話個仔喺屋企上網賣緊嘢，所以落唔到嚟住，跟住佢打比佢個仔，我諗住以為佢叫個仔落嚟，點知，佢媽遞個電話叫我同佢講，
跟住我同個男仔講:點解系你媽嚟代你見工?
男仔：我上網賣緊嘢比人，唔方便落嚟。我填咗張from有齊曬資料，我媽拎落嚟都一樣啦！
我：咁唔啱規矩，見工系要親身嚟見。
男仔：我之前返果啲工都系咁架啦。你請唔請架!?唔請唔好曬我時間。我仲要打比個買家。
我：咁你收皮啦！
我再同個男仔個媽講，呢度唔適合你個仔。叫佢搵過第二份啦，我哋呢度請唔起呢種"人才"
----------------------------------------------------------------------------------------
3."夸"國企業
見工from寫住20歲。
男性。
報稱做過一份工。
但佢工作經驗寫住"跨國連鎖飲食公司"
我問個男仔:你之前返果份系咩嚟?咩叫"跨國連鎖飲食公司"
個男仔答我：麥當奴。
果刻我當堂比唔到返應。
之後我見老闆攪掂完啲嘢，我交返比老闆去攪返。
究竟而家發生咩事