【黎明騷】吳君如陳可辛後台同Leon合照 撇低阿囡都要撐
2
適中字型 較大字型
吳君如噚晚同陳可辛一齊去支持黎明。
黎明（Leon）坎坷過後有show開，8場演唱會到噚日為止已經開咗6場喇，之前歌手開演唱會，傳媒多數都只應大會安排採訪頭場同尾場，但Leon今次 呢個騷，就晚晚有記者扎行馬喺核心慨內外圍，令平時夜晚靜蠅蠅慨中環海濱長廊變到好鬼熱鬧，核心內圍連日亦星光熠熠。
噚晚除咗 Leon舊拍檔周慧敏，同Leon喺電影上合作無間慨導演陳可辛，亦都孖住吳君如一齊捧場，完騷後仲入後台同Leon影合照同佢打打氣。今晚呢Leon個 騷就暫停一晚，Leon終於可以好好咁唞下啦，好好咁再準備迎接聽日同後日最後兩場騷。
除咗君如，仲有周慧敏、張達明同蔡一智都有去撐黎明。
演唱會後，君如同陳可辛到後台與Leon合照。
中環海濱長廊呢幾晚都聚集咗好多人嚟聽Leon演唱會兼野餐。
凍齡周慧敏黎明 世紀合照
《痴情快婿》、《Yes一族》、《真愛在明天》……有歌迷話:「細個（十歲左右啦）鍾意慨第一位男歌星系黎明，第一位女歌星系周慧敏，就系你哋兩個喇！」 呢位歌迷今年都應該……有35歲咁上下啦！但黎明同周慧敏，一個49一個48，90年代「金童玉女」，YES!人氣之最(當然仲有其餘三大天王同玉女楊采 妮)，廿幾年後慨今日再走在一起，食咗防腐劑一樣——唔老慨？
噚晚周慧敏去咗睇黎明個唱，震撼程度同《原振俠》李嘉欣一樣。入場前 周慧敏已事先張揚喺FB貼埋91年兩人合拍慨《痴情快婿》合照，寫道:「是時侯要出動看一下老拍檔了，Leon Good Show!」一張相勾起好多集體回憶，大家紛紛留言回憶劇情分享下自己的少女/少男時代咁啦。
到正式開騷嗰陣，唔止黎明有FB Live，周慧敏都開咗個Live，片中見阿V同君如un住聽黎明唱《越夜越有機》，感覺真系幾夢幻……
周 慧敏同黎明呢pair，對上一次排排企，已經系08年嗰陣，黎明喺九展舉行慈善演唱會，嗰次亦系兩人相隔15年後再度合作，唱《真愛在明天》當然冇走雞 啦!眨下眼，又過咗8年，去到噚晚——一對璧人個樣真系好似冇乜變過咁，「唔識形容心入面慨感覺，有興奮，有開心，有感動，甚至激動……當年真的以為你哋 就系一對情人。唔知你哋以後會唔會有合作慨機會呢？期待吖!」、「當年房間牆上貼的海報就是周小姐和黎先生」、「唔睇衣著睇人樣，我唔會分到張相完系幾時 影，廿年如一日」、「美女與俊男，你倆猶如當年在寶麗金時代，完全沒有很大的變化，仍是這麼的吸引。」……
如果你都系經歷過90年代，再睇埋留言，應該真系有一種感動到毛管戙慨感覺。
又假如，其餘三大天王都嚟睇黎明開騷，咁，就真系太正了。
周慧敏噚晚睇騷前，先喺FB貼於兩人廿幾年前合照(左圖)，就系當年拍《痴情快婿》嗰陣影0架!
噚晚睇完騷之後，周慧敏送上與黎明合照。兩個都好似食咗防腐劑咁！
《痴情快婿》。1991年。
最尾呢場戲，真系夠曬驚險！
好Man呀!
細個(當系啦)睇到呢一幕時，系咪一樣都好驚豬？
呢部系咩？
Yes！
就系《Yes一族》
依家啲樓應該拆曬了吧？
有衝動…馬上重溫
估唔估到呢張相系幾時影？ (《城市周刊》圖片)
08年，黎明於九展舉行「 Magic Live Concert」，邀來已15年未再合作慨周慧敏擔任嘉賓。