女人友誼係好假嘅姊妹情誼，無論男仔女仔都受用架！

女人友誼係好假嘅姊妹情誼，無論男仔女仔都受用架！逢周末，FB差唔多就係曬生活精彩嘅戰場，朋友留言講句「 好靚呀」、「好幸福呀」就係唔少人望著手機做人嘅精神食糧。萬千種贊入邊，其中一種叫 #bff。

BFF，Best Friend Forever，由中小學紀念冊寫到大，到最後，仲有幾多「朋友」、「好姊妹」可以keep住聯繫？或者FB,IG 加咗做朋友幾年，間中會講句例牌嘅Happy Birthday，但係一直都無再見面。成長係不同嘅圈子，過唔同嘅生活，對於那些年「永不分離」嘅好姊妹，你對佢嘅認識，可能凈係朋友圈上見到嘅旅行照、美食照，你會發覺你愈嚟愈唔了解佢。

或者有一晚會諗起佢，諗翻起以前嘅時光，但係再無勇氣講舊時，打開咗訊息，寫咗一半，算喇，都係刪咗，費事面懵。

然而幾年無見，總會係朋友嘅婚宴度撞返，或者係某天掃貨時偶遇，變得世故嘅「姊妹」，會話：

「好耐冇見，你過得點呀」

「係呀，好掛住你呀」

「係囉，好掛住以前日日見咁呀」

「哎呀我哋應該約出嚟High Tea呀」

或者，呢啲都係客套說話，但總有一方，有意無意咁建議日期、地點，另外一個迷迷糊糊咁又應成咗。

兩個人揀咗某個周日，出發之前好鬼忐忑，諗下等陣講啲乜好咧？要表現出生活美滿，又要著靚靚、妝化得精神爽利，驚俾唔過佢。

明明，以前糖黐豆，暗鬥呷醋一定有，但總會日日笑住一齊過，無咁多顧慮，到人大咗，諗得太多太遠，同當年嘅Friend聚下舊，竟然有啲壓力。

一見面，又是客套咁講 「你點呀」、「幾好呀」，大家慢慢努力搵話題，由面前嘅三層糕點，講到最愛嘅餐廳；再言不由衷咁贊對方裙靚、耳環閃閃；一路講到電視劇、旅行之類嘅無啦楞嘅話題。拍拖？結婚？有啲地雷不會掂。佢唔會同你講，曾經同你中學果陣嘅男神師兄秘密拍過拖；你也不會同佢講，當年佢嘅一個男友，同你Secret Crush咗半年。

下午茶食咗大半，咖啡有啲酸，兩個人都覺語言無味，唯有保持面具式微笑舉住手機影影影，然後將合照慢慢美圖（當然只會美肌自己），然後打幾句：

「感恩多年冇見，我嘅好姊妹！愛死你 :心心emoji:」

「幸福係，好朋友十幾年前同十幾年後都會一直係我身邊。」

「N年冇見過呢個人 點解bb可以完全冇變過？」

咁樣嘅姊妹情已經變曬味喇，其實當你諗住再搵翻舊時啲Friend果陣邊使咁小心翼翼啊，大膽啲講聲問候都好，人哋自然會Feel到你嘅真心。無論男仔女仔都受用架！女人友誼：好假嘅「好姊妹」？！

女人和女人之間有真正的友情嗎？女人與女人之間真的有友情嗎？為什麼女生的友誼不長久？女人與女人之間為什麼沒有真正的友誼？女人之間應該沒有真友誼吧，現在深深認同這句話了！