謝安琪喺《殭》中做女主角，有好多人彈多過贊狂數其四宗罪。謝安琪首次喺TVB新劇《殭》擔正做女主角！阿Kay嘅第一次當然會有好多fans捧場啦，不過TVB播咗兩集，就有好多人彈多過贊啦！仲俾香港網民話有四宗罪添！ 一宗罪：雙眼皮·深深深？
有啲網民指Kay雙眼好假，對比前幾年，Kay而家嘅雙眼皮真係好唔同喎！
2007年嘅時候，好似係單眼皮喎～ 二宗罪：幾十歲·扮可愛？
阿Kay都成39歲，已為人妻人母，不過喺《殭》入邊就經常扮可愛扮少女，好多網民覺得好難頂咁話！
有人話，睇羅蘭姐好過睇阿Kay添！ 三宗罪：發姣？ 劇中阿Kay見到殭屍獵人嘅鄭嘉穎就雙眼發光，俾網民話姣樣盡現！
呢場戲講嘉穎幫阿Kay捉完小偷，阿Kay就扮暈倒喺嘉穎心口！ 另一場阿Kay俾人追，逃走後死捉住嘉穎隻手唔放，因為對方隻手好暖咁話！ 四宗罪：學馬小玲·曬腿？ 呢場講阿Kay借嘉穎部單車去捉小偷，點知條裙攝住喺單車，結果要撕爛條裙先可以下車！咪住，畫麵點解咁似《我和殭屍有個約會》嘅馬小玲曬長腿嘅？
雖然阿Kay被好多香港網民狂批，不過都有人撐佢初次做女主角，表現都可以接受咁話！
btw，有無人同樓主一樣，覺得長髮留須嘅鄭嘉穎好似元華？抑或，男人長髮留須都會似元華咁嘅樣？ 謝安琪《殭》扮可愛？香港網民狂數四宗罪！