黎明爆金句，句句精警！
之前黎明唱片公司高層曾經表示今晚演唱會一定會喺夜晚十點半之前完騷，結果呢個冇預期咁準時開騷慨演唱會，就非常咁準時咁完咗，喺夜晚十點二十三分正式完結，成個騷啱啱好長仲十分鐘就兩個鍾，比尋晚叫做長咗。
而今晚慨歌雖然同尋晚一樣，但系黎明講慨嘢慨內容就完全唔同，啲金句多到不能盡錄，我哋決定呢個時候同大家回顧一嚇。
「成日話天註定，多謝個天今日冇落雨，因為天有不測之風雲，最好慨天氣報告，日本系首屈一指，但都會遇到唔同慨災難，知道今日有日本朋友嚟度，希望佢哋可以戰勝，平安度過每一次。」
「可能呢幾日有唔同慨嘢發生咗，可能有啲限制，但大家可以放心。其實握手唔系難事，好簡單，但最緊要系喺咩場合握手，握手系一件好難決定慨事，我只能用心去握手，但如果有任何意外慨話，後面慨觀眾就會因為握手而犧牲，唔緊要啦，我哋喺心靈上面握緊手，我見到你，你見到我。」
「希望啲雪花有爆谷味，好輕咁，可以食得落肚。」
「人哋叫我加油，即系睇住我死，下次應該叫good luck，因為唔同場合，講慨嘢要唔同。」
回應歌迷問自己嚟自邊度：
「我聽到，唔講唔代表我唔知慨，我知道大家喺邊度嚟，我對眼都OK慨。」
「我從來唔覺得除衫系鹹濕（觀眾聽到即大叫除衫）除衫系一件好容易慨事，你除一件，我除一件（全場即時起鬨話好）。不過唔緊要，鍾意點就點，每個人都有自己慨選擇，除咪除，驚你呀！」
「如果互相睇清楚對方，就會有一個相處模式，講緊所有慨膚色，我喺英國讀書時，有啲人系黑皮膚，依家去番當地，都會見到好似自己咁樣慨學生，所有慨嘢都系一樣，除咗多咗部iPhone。」
「走慨時候唔好行咁快，小心跣親。有冇派雨褸畀你哋呀？有雨褸喎，今日好開心，不過有限制，呢個系相對慨，希望大家明白。」
黎明觀眾say bye bye。
有味金句：「我從來唔覺得除衫系鹹濕」
最靈異金句，就系：「我哋喺心靈上面握緊手，我見到你，你見到我。」
最爆金句：「人哋叫我加油，即系睇住我死，下次應該叫good luck，因為唔同場合，講慨嘢要唔同。」