我係男人，剛24歲，Fresh grad，外表唔差，有正職，有目標，專一(講少少背景，表達我應該係一個大家都覺得OK既男人)
呀P 係女仔，我前女朋友，年齡上細我兩年，但低我一個year，所以佢今年Final year
2014年1月同呀P開始拍拖... 都拍左差唔多兩年了
今年十月尾十一月頭，佢同我講分手，佢覺得我管得佢好嚴，又多同佢鬧交
我都認自己太專制...好想要時間一步一步咁改...但佢都係決定分手...
我自問對佢好好，好鍚佢，不過因為大男人，所以方式同呀P 既諗法有出入，所以導致咁樣...
我有改但有時都係忍唔住發脾氣...但我真係好努力改..
分左兩個月，我真係對佢念念不忘，我係用情好深既男人，
亦都係想早婚既人，我認定左佢係我想結婚既對象，想達到自己工作上既目標，就同佢組織家庭...
我好想有最後一次機會，咩缺點都可以話我知,我都可以改...
但佢講得好絕情...我唔知可以點做???
最近聽到有條狗公賤男係U入邊溝緊呀P...條賤男成日呃西屌，又成日落Club 蒲，仲要溝女好鬼叻.........
最弊係佢地又番緊同一份工...雖然唔係成日見到..我真係好擔心佢..所以忍唔住whatsapp 呀P，
但同呀P講完條賤男既野, 呀P 淨係hea 覆我..話自己識諗，再話同我無可能架啦，各自好好過啦
然後星期日(琴日)出去同朋友唱K, 因為想chur爆自己所有空餘時間, 廢事太多時間自己亂諗野...
本身我由地鐵行緊去某K房，點知係CWB撞到呀P 番工....... 結果我自己企左街，遠處望住佢做野望左幾個字(佢唔知的)，
忍唔住係街喊左...之後上左K房都呢埋左係Toilet爆喊..........真係好辛苦，超級超級掛住佢
我唔係想拍拖，唔係要搵人陪我過聖誕... 而係我想同 呀P 過人生既每一日...
究竟我可以點做.......超級超級掛住佢...........求前輩救我
:'):'):'):'):')
打左好長，感謝你地用心睇