黎食物環境衛生署發言人今日表示，由於在4月28日至5月7日於中環龍和道海濱活動空間舉行慨「黎明Leon 30th Anniversary Random Love Songs 4D in live 2016」演唱會，因主辦單位因為未能遵辦有關消防安全規定，故食環署唔可以發出臨時公眾娛樂場所牌照。
對於黎明騷取消，佢兩位舊愛舒淇同樂基兒咁啱又喺香港出席活動
舒淇現身品牌活動時，被問到有沒有打算看黎明（Leon）演唱會，對此她說：「冇。」之後記者指黎明首場演唱會因牌照問題臨時宣布取消，舒淇竟意有所指表示：「嚇？好彩我哋呢度冇取消，哈哈！」
之後舒淇追問記者取消原因，當得知是因牌照問題時，她即表示：「嚇？咁都得！（戥粉絲失望？）作為粉絲一定會，同埋唔可以咁臨時。（現場粉絲喊曬）呢個系幾令人失望慨消息。（會唔會慰問Leon？）如果有機會。」
而樂基兒就話:「佢應該有其他Plan。」
下午6點左右黎明親身現身用大聲公向歌迷宣布演唱會取消，大批歌迷勁失望，仲有人即場痛哭。
大批網民去到黎明fb大鬧食環署同政府，夜晚黎明就再拍片呼籲歌迷唔好鬧政府，指佢哋場地慨布料系中國製造，未能符合英國標準。
而消防署代表傍晚開記招，表示噚日同前日再巡查場地，都發演帳篷未達抗火標準，因為演唱會活動燈光可發熱，有機會引起火警，所以基於安全考慮沒有發出消防安全證書。
此外黎明又於fb拍片，宣布今晚頭場演唱會取消，佢留言:「對不起！各位買了門票的朋友！一萬句！都不能補償你們支持我的心靈！我們會盡最大努力去搶救！再通知大家！」
黎明旗下慨 AMusic向傳媒發聲明，承認今晚個唱取消。全文如下:
「因牌照事宜，未能如期舉行
［即時發布］2016年4月28日 黎明（Leon）本於今晚開始舉行一連8場由『黎明Leon 30th Anniversary Random Love Songs 4D in live 2016』演唱會，現由於牌照事宜，未能如期於今天晚上舉行首場演唱會。已購買門票的觀眾，詳情請留意官方Facebook，稍後將會公布最新安排。令一眾歌迷失望，深感抱歉。如有造成不便，敬請原諒。
AMusic 仝人」
佢又表示:「對唔住所有觀眾所有朋友，因為我哋今日個演唱會系要取消，原因系食環署唔批，因為消防條例話我地慨布料雖然系防火料，但唔系英國認可慨規條，所以我哋儘快解決所有善後工作，睇下有咩可以改變慨，有機會扭轉慨方法我哋會儘量嘗試，咁請排緊隊慨朋友返屋企，系度為大家帶來咁多唔方便慨地方，我只能夠講好對唔住!萬二分對唔住。」
黎明方才現身會場，手執大聲公分別於正門及側邊鐵絲網向fans道歉:「好對唔住，睇下點樣安排第二日啦，退飛或者點樣……我哋會儘量於24小時解決答案，希望可以再搵個安全慨方案，喺度講聲 咁多位…」此時好多fans大叫「Leon！」有fans聞言激動不已，甚至失聲痛哭。
晚上7時半左右，黎明再度現身密密傾。