"我係個測緊驗既F.4學生
今日係starbucks溫書，點知無啦啦被個唔識既人罵
話說今日喺starbucks等位等左幾分鐘
見有位，就行過去啦
點知突然又有對夫婦就推bb車行過黎，停喺個位隔離
我驚又被人搶位
所以我就行快左，坐埋去
佢地就咁冇左個位
因為我黎先架嘛
我喺個位到溫書，飲咖啡
過左一陣，佢地有位坐
再過多幾十分鐘，
佢地飲完咖啡，走人
跟住個男人走過黎同我講:
""溫書？你溫條春咩""
跟住走左
我心諗:下......？
其實我有做錯野咩？
你搵唔到位姐，洗唔洗咁惡。
加上我黎先嘅，係都我坐先啦。
同埋我溫書又關你咩事？
你唔好又話壓力大做藉口bo。
你罵我，我又唔知發生咩事，
又唔講我犯左啲咩錯
為左喺老婆面前出風頭
你真係...
唉，依家啲大人成日話啲後生仔變曬
不如話下自己好過
無啦啦搵個唔識既學生發泄
痴線"