阿成係一個住係長亨既巴士迷，所以細細個就成日坐42C遊車河
由熱狗時代，坐到依家全冷氣巴士既時代，所以同42C啲掛牌車長特別熟，例如打機仔同阿昌
而今日九龍灣廠派左部仲有一個月命既巨龍巴士行，所以成仔就去遊下車河
平時既42C大多人坐，所以佢會揀夜晚10點幾果轉坐，佢習慣坐去藍田會坐下層既導航位，而回程返長亨，佢就會坐上層車頭飽覽風景
而今日舞呢條龍既夜更車長，竟然又係明仔呀！明仔，點解次次都關你事嫁？
當阿成落到去長亨巴士總站時，見到阿昌，打機仔同明仔係度傾緊偈，所以就行過去喇
明仔:你老味，放假前都要舞龍，不過條龍就黎死，到時就係屠龍既時候喇，哈哈哈哈
阿成:打機哥，昌哥，你好！
打機仔，昌哥:你好！
打機仔:阿成，你又黎遊車河呀？
阿成:係呀，聽日放假，所以有啲時間
阿昌:你打算遊邊部呀？我就揸部垃圾富豪，打機仔就揸新掛牌JE1886
打機仔:唔好提喇，換左我部HT2760走，俾返啲咁既車我，上斜慢到你呢！
明仔:你夠我呢部346慢，上斜得10公里
阿成:師兄，我就係諗住搭你部346遊車河呀
明仔:部車都就黎退役，有咩好遊
阿成:就係呢部先好遊呀！
明仔，你鐘意喇，不過依家上車要投幣或者拍卡嫁
明仔望住打機仔同昌哥部車走左之後，就諗住去個廁所，然後就準備開車喇
當去到藍田鐵路站落客後入坑，明仔就同阿成講
明仔:部車上斜係咪好慢呀
阿成:巨龍係咁嫁喇，不過勝左冷氣夠
當傾傾下，上層突然有個靚女走落黎，睇個樣似啱啱訓醒，唔記得下車果啲
不過明仔係度諗，條女幾時上車嫁，無留意到有條咁索既女上車既竟然！
靚女:司機呀，尾班車幾點呀！
明仔:我係替更司機，所以我都唔係好清楚，你睇路線圖喇
靚女:有無九両菜？
明仔:咁我真係唔知嘛！
阿成就出聲:0025呀，小姐！
個靚女下車之後，明仔同阿成都下車，阿成就係冷氣車坑等明仔開車
明仔就去站長室拍卡摺數
電腦顯示，開2354，款待處通知，今晚改泊觀塘碼頭11D坑
站長昌哥:明仔，今晚款待處柯打，叫你收工泊觀碼wo
明仔:有無搞錯呀！明明泊藍田鐵路站嫁嘛
去埋個廁所，明仔就上返部車，準備開車喇！
上客果陣，見到阿成上車，但佢面青口唇白，同頭先簡直兩個人黎，到底咩事呢？
明仔:喂，阿成，你無野吖嘛？
阿成口呆呆咁話:師兄呀，你今晚返廠記得要開燈呀
明仔:搞乜鬼呀？
去到長亨之後，由於呢部係後備車，所以要拆返啲膠牌擺返係站頭
阿成下車果陣，同明仔講:上面好似有人未下車呀
明仔上去上層拆牌果陣睇，發現一個人都無，就諗起阿成頭先既說話
長亨私返九龍灣廠途中，都無咩事發生，所以明仔就將頭先既事忘記左
返到廠，入完油，過完洗車機，去到門口成班車長等車返屋企，明仔一時忘記部車要擺觀塘碼頭呀，衝口而出嗌左，觀塘藍地
於是成班車長衝上車嗌，路德會，泳池，唔該
明仔就係果時先醒起，今晚改擺觀碼，唔係藍地呀
但眼見成班車長上曬車，唔通趕返佢地下車咩！而且個個收工返屋企
所以明仔照落觀塘道行喇，車上都好熱鬧下，各車長都講今日發生過既事，例如塞車過鐘呀，壞車擺街等等，行行下車，正當有車長講有客下車唔打鐘既時候
電客鐘突然叮一聲，全車車長靜曬，唔敢再出聲
去到路德會，有部份車長下車，而明仔都開後門，等鐘燈熄滅
等啲車長下車後，明仔繼續揸去泳池，電客鐘突然又叮一聲
有師兄就行埋明仔身邊講:你部車本身係咁，點係你今晚無巡車，有客係上面呀？
明仔:部車要拆牌，無可能仲有客係上面嫁！
之後個師兄就走上上層睇，部車去到泳池，個師兄落返黎下車
師兄:你自己上去睇清楚啲喇！無人！
明仔唔多信，因為唔可以衰俾人睇，所以揸到藍田鐵路站外，慈雲山北站長住藍田所以仲未下車
明仔捉住佢一齊去上層睇，上到上層
明仔:又叫我睇清楚啲，依家乜鬼都無wo，又話有人，大我呀
之後落返下層
慈雲山北站長:嗯，明仔，做乜仲唔入坑
明仔:其實我搞錯左，部車今晚要改擺觀塘，我忘記左，依家要揸返過去
慈雲山北站長:咁你自己小心啲！
正當明仔揸返部車落觀碼經過觀塘法院站果陣，見到有個女人企左係42C排隊果度截明仔部車
明仔心諗，傻西，尾班車走左好耐喇，但個女人點知部車今日行42C嫁
去到開源道迴旋處，突然有把聲傳入明仔耳中，司機呀，點解你唔等埋我？我要返屋企呀
明仔以為係roadshow傳出黎既聲音，所以無理會到，返到觀碼擺好部車，就去等員工接送車喇