「姐弟戀」，又稱「嫩葉桃花」，系近年一個好多人討論嘅社會現象。呢仲現象源於熟女魅力？定系產生於幼齒男仔嘅戀母情結？其實感情根本無話正常唔正常，只有啱唔啱自己。感情關係從來都系「我自求我道」，女人青春有限，無須太care凡夫俗子嘅眼光。依家就來分析下姐弟戀嘅女仔面相特徵啦：
1. 額頭較低
姐弟戀指數：★★★☆☆
所謂「額低」，其量度標準為額頭高度少於面部總高度嘅三分之一。額低嘅女仔母性較強，鍾意照顧男仔。
2. 額頭突出
姐弟戀指數：★★★★☆
呢種女仔好勝心強，只會將同齡或更年長嘅男仔當作競爭對手。同時亦唔鍾意受人控制，無乜主見嘅小男人，啱曬佢哋胃口。
3. 眉毛粗濃
姐弟戀指數：★★★☆☆
性格大膽想做就去做，從來唔care世俗嘅眼光，浪漫至上，拍拖唔會講任何規矩。
4. 雙眼圓大
姐弟戀指數：★★★☆☆
個性天真敢愛敢恨，只要佢覺得系「本小姐」真心鍾意嘅就唔會理任何嘢，男朋友嘅光譜相對較闊，所以較為容易出現姐弟戀。
5. 眼睛突出
姐弟戀指數：★★★☆☆
對男仔「嗲功」了得，大姐姐一發揮佢嘅咋嬌功力，叫一眾戀姐男仔舉埋雙手投降。
6. 臥蠶發達
姐弟戀指數：★★★★☆
眼袋位置微微隆起，代表女仔情慾高漲，往往主動出擊，亦系典型嘅「幼齒殺手」。
7. 眼尾有痣
姐弟戀指數：★★★★☆
夫妻宮位置有痣，代表婚姻觀念唔按普世價值，男大女細呢啲常規唔系好啱用，出現姐弟戀嘅機率唔細。
8. 山根無肉
姐弟戀指數：★★★★☆
「山根」即雙眼之間嘅鼻樑位置，若此處無肉見骨，女仔喺處理感情方面道德觀念較薄，亦較為我行我素，揀男友無特定範圍或條件。
9. 鼻子直長
姐弟戀指數：★★★☆☆
性格唔鍾意死板，高傲又自我意識高，有公主情結，鍾意控制另一半，同聽曬佢話嘅弟弟比較啱key。
10. 鼻樑有節
姐弟戀指數：★★★★★
脾氣暴躁性格倔強，對年幼嘅異性興趣較大；若女仔鼻樑見直紋，感情方面權力欲極強，易見姐弟戀。
11. 顴骨高聳
姐弟戀指數：★★★★★
女強人嘅性格令妳化身成一把「保護傘」，心甘情願為身邊嘅小男人遮風擋雨。
12. 面骨寬闊
姐弟戀指數：★★★☆☆
性格自我，追求自由自在嘅人仔，討厭俾人安排嘅規則，呢種取態會令思想幼稚嘅小男仔神魂顛倒。
13. 耳廓外翻
姐弟戀指數：★★★★☆
耳朵外側邊緣稱為「耳廓」，耳廓裡面稱為「耳輪」，相學認為耳廓包住耳輪為佳。若女仔見耳廓外翻，代表其人性格唔會死牛一邊頸，同時又鍾意照顧他人，極度容易開展姐弟戀。
14. 人中短淺
姐弟戀指數：★★★☆☆
呢度所講嘅「人中」，就系鼻與唇之間嘅直溝。女仔人中短淺，開展感情關係大多只系一時衝動，但求婦人之仁，忽略戀愛感覺。
15. 唇紅嘴大
姐弟戀指數：★★★☆☆
呢種女仔性格積極主動，又有領導力，習慣操控感情關係嘅發展同埋速度，較能吸引比自己年幼嘅「小弟弟」。
16. 上唇豐厚
姐弟戀指數：★★★☆☆
呢種女仔母性極強，處處為異性著想，若遇上有戀姐情意結嘅男仔，定必一拍即合。
17. 臉倒三角
姐弟戀指數：★★★★★
又稱「螳螂面」，參謀性格指指點點，唔鍾意俾另一半駕馭，反之則可，系做姐姐嘅好材料。
18. 臉色青白
姐弟戀指數：★★★★☆
思想簡單眼光短淺，容易因為一時衝動，主動或被動感開展姐弟戀情，即使千夫所指，亦義無反顧。
19. 頸粗多紋
姐弟戀指數：★★★★☆
呢種女仔唔單只外表強悍，內心亦同樣咁堅強。從不稀罕大男人嘅所謂照顧，反之較為欣賞聽話、柔弱嘅男仔。