徐子珊爆有人問價 被要求唱《Hit me》
藝人徐子珊出席時尚配飾品牌活動，品牌事先張揚她會火辣現身。
自認唔火辣
子珊到場時穿上火紅色貼身晚裝裙，但火辣欠奉，她笑指：「火辣見仁見智，依家都好辣，我都唔明點解啲人會咁形容我，火辣兩個字唔應該喺我身上，由細到大都覺得自己系男仔頭，自己身材絕對去唔到，唔系火辣指標。（女仔點先算火辣，要有c cup？）女仔好少睇女仔火辣。」繼又表示覺得吳家麗是她心目中的火辣女神，她說：「佢慨女人味系舉手投足都散發咗出嚟。（你可以練嚇？）我練唔到，我曾經同志偉拍套戲，畀佢話我唔sexy，佢要求我做一個火辣撥頭髮慨動作，我做極都唔滿意，NG咗四五次，知我都系做唔到，叫我返屋企練，第日再來拍，我返去有練到，都喺好啲咋。（有冇男友覺得你唔夠火辣女人味？）如果佢哋咁講，我一腳伸開佢，咁對住男友都小鳥依人啲，但我覺得自己似細路女多過女人。」
有人問價
被指佢可做回代表作《Hit me》扭pat動作，她說：「我唔敢再做呢個動作，自己睇番都想笑，但有唔少客要求我唱呢首歌，最好笑，有人已問我價，要我出席除夕倒數，唱歌同跳舞，估唔到咁早有人搵，我未答應。」
佢話依家唔敢咁樣扭喇。
佢又話自己一路都唔系火辣慨人。
佢又話已經有人搵佢出除夕騷，會唔會早咗啲呢？
系扭得幾勁慨！
又話唔明點解啲人話佢火辣。
好想睇番呀！
但其實好有女人味！