上星期日晚一個人去樓上吧飲野，諗住上去飲杯野hea下時間就走。
係樓下個帶位見我得一位就黑我面，唔想我上去咁。
上到去原來只係得房，唔好意思落番去，咁就坐抵左。
坐抵幾分鐘頭先個帶位入黎係咁sell我開支千幾蚊既酒，我當然唔制啦。
佢見我企得好硬就問我可唔可以請佢飲杯野，我話冇所謂，你咪坐抵。
大家傾左陣計，佢又sell我開酒。
跟住我同佢講：你sell到我開支酒會分到幾多錢？
佢話冇但賣唔到會比人罵。
我再同佢講話你咪再sell我，最多我走既時候比多尐tips 你。
後尾佢真係陪我真心傾左1個鐘計。
後尾佢話我真係要走，我買單送左$500tips比佢(21歲第一次比咁多tips),
可能因為我見到佢經理係咁sms叫佢趕我走，佢都同傾落去啦。
佢送我出去既時候我比左電話佢，話如果你想，我可以請你食飯，再傾過。
佢24歲大我3年，但中5之後就冇讀書，每晚都要係酒吧陪男仔飲酒...
今日，佢真係打左比我，我地12點幾就出左去食lunch....
佢今日真係扮得好靚，我對佢的確有尐好感，但我知佢係信唔過。
佢有問過我住邊，讀邊間u,但我都冇同佢講到。
之後我地去左郎豪酒店食下午茶，但我估唔到佢會爭賣單。
我真係唔明白佢諗咩。
跟住就係重點，我同佢上左去樓上開房,成件事我唔想比身邊既朋友知道，所以先係度講。
我第一次同陌生，仲要大個我既女仔發生關係。
我只可以講入到去佢就除曬衫，叫我一齊沖涼，沖完就咩左...
之後我就番左屋企，好驚，好驚。
我沖左好多次涼，但都覺得自己好污嘈，尐衫同褲我都唔敢放入洗衣機..
宜家仲要訓唔著。
成日都諗今日尐野。
其實我聽日學校有exam,呢家都冇心情溫書。
有冇人話我知個女仔其實係諗咩？
如果佢貪錢，咁佢都唔會咩都比曬錢啦
假設左佢有性病.我帶左安全套同佢做..
中招機會大唔大？
如果要去check..要幾時去？