男女大不同，男仔同女仔嘅審美觀一般存在差異，好多男仔視為女神嘅女仔，好多女仔都唔明白佢哋有咩咁靚，而女仔心目中嘅女神又有另一套準則。除咗女神嘅口味唔同之外，其實著衫嘅品味男女之間都有好大差異。例如哦有啲男仔接受唔到女仔著太高嘅高踭鞋、塗過分鮮艷嘅唇膏…而女仔都可能接受唔到某啲男仔嘅打扮，好似以下呢啲：
第6位：攝衫
好多女仔出街著衫都會攝衫，但男仔千奇唔好選擇攝衫，10個攝衫有9個瀨嘢，除非你系金城武或者G-Dragon。
第5位：瀨屎褲
有啲男仔唔系宅男，佢哋都有自己一套獨特嘅穿著之道，但有時候顯得太over了！有啲男仔會著瀨屎褲出街，自以為型，但背後可能有好多女仔笑緊你。
第4位 人字拖
好多女仔都鍾意男仔正正經經、斯斯文文嘅打扮，著起西裝同襯衫，打上領呔，仲有著起一對皮鞋，踢對人字拖出街，太隨意了啩？
第3位 無鏡片眼鏡
如果唔想俾人笑你太搞嘢，但你又無近視但都想戴眼鏡裝飾一下嘅話，不如選擇一副配有平光鏡片嘅眼鏡啦！
第2位 金頸鏈
行喺街上，有時會發現有啲男仔著住V字領低胸T恤，戴住金色嘅長頸鏈，可能90年代仲會有人話你潮，但依家人哋只會以為你系北方來嘅。
第1位 超短褲
即使天氣炎熱，短褲都唔好太短！除咗惹來人哋奇怪嘅目光，仲有可能以為你系gay嘅呢，除非你系真gay…如果唔系，可免則免啦，男仔著超短褲一定系女仔最接受唔到嘅第一位啩！