女仔點解會成為男仔眼中嘅「茶煲」（茶煲即英語trouble）呢？系女人本身「茶煲」定系佢所遇上嘅「茶煲」特別多呢？
1. 容易受傷的女人？
有人話女人系天生購物狂，「開心買鞋，唔開心買鞋」系女士們嘅「真理」，女人需要有唔同嘅鞋嚟應付唔同嘅場合。
而貪靚系要付出代價嘅，新買嘅鞋材質固然好，但著嚟行路時就容易磨損腳踭，有時甚至出現「血光之災」！真系食得鹹魚抵得渴，所謂嘅「要靚唔要命」！
2. 永遠大排長龍嘅女廁
商場女廁總系好「旺場」，成日出現「打蛇餅」嘅狀況。
女士天生「姿整」，邋遢嘅廁格唔入，污糟嘅廁板唔坐，揀廁格都用咗唔少時間！遇上「果幾日唔方便」，如廁嘅時間就會仲長！所以女廁經常出現大排長龍嘅情況！
3. 「矯裝」出門
「個嘴搽紅色好定粉紅色好呢？」
「弊！個粉餅污糟咗，洗下先用得！」
「女為悅己者容」，女仔出門前難免要花啲時間妝扮自己，尤其出席重要嘅場合。然而，女仔扮靚靚嘅時間實在有啲多！
小編亦曾聽過身邊嘅男友人抱怨等條女化妝出門等到變成一舊「望妻石」。
女士們，你哋系化妝，又唔系「矯裝」，使唔使要1個鐘啊？
4. 眼朦朦咁卸妝
上班族工作咗一日，返到屋企就想跌落床瞓餐飽。但系化妝嘅女仔仲要拖住疲憊嘅身軀卸完妝先敢瞓，如果唔系一覺瞓醒，塊面就多咗幾粒痘！
5. 好難搞嘅濕發
短頭髮嘅女仔或男仔可能覺得洗20分鐘嚟吹乾濕發系天方夜譚，但對於長頭髮或發量較多嘅女仔嚟講，可以話系「有苦自己知」。
洗20分鐘吹乾頭髮對佢哋嚟講簡直系家常便飯，小編曾經聽講話有女性朋友要洗半小時或者以上，吹咁頭髮後身水身汗，唔通又要再去沖涼洗頭？
6. 應付每月到訪嘅「大姨媽」
心煩、氣躁、多疑唔系只有更年期先至會出現嘅特徵！撞上「大姨媽」到訪嘅日子，平時柔弱到好似綿羊仔嘅女仔亦會變成狂躁嘅暴龍！
一來系受到荷爾蒙所影響，二來系佢哋要忍受經期所帶來嘅生理不適，包括：皮膚會變得好嚡、手腳凍冰冰，更加衰嘅系飽受經痛之苦。
遇上「大姨媽」毫無先兆嘅到訪，仲有可能會整邋遢啲衫褲！
所以話咧，男仔應該多啲體諒同照顧身邊嘅女仔啊！