《僵》首播，TVB自己網站的討論區內，Kay被網民鬧爆演技差及黐得勁深的雙眼皮及大眼仔令樣貌極不自然；另外網民對一眾角色名字玩食字反感，首集出場的鄭嘉穎，在劇中飾演活了超過500年的不死人「刑活著」；做法醫的謝安琪（Kay）名字「藍夢南」，她在劇中向嘉穎自我介紹時說：「前面嗰個系藍色的『藍』，後面嗰個系東南西北的『南』。」飾演Kay祖母的羅蘭就叫「藍黃紫紅」，好夠色彩！至於帶隊去荷蘭盜墓的賴慰玲就叫「丘玲梅」，又幽靈又靈媒；黃又南同陳嘉寶飾演兩兄妹就叫何年同何月。
例如《倩女喜相逢》、《老表，你好Hea！ 》等，而且好多時用食字角色名反映人物身份／職業，好似以下幾套：
《依家有喜》（2010）
秦沛
角色：外科醫生葛一刀（割一刀）
《老公萬歲》（2010）
做得萬歲堂藥廠店員，個名都要系藥名／化學嘢：
李綺虹：繆靈芝（妙靈芝）
郭政鴻：鄺辛訴（抗生素）
梁烈唯：孔爵錫（孔雀石綠）
王君馨：蘇單虹（蘇丹紅）
羅敏莊：盤妮茜（盤尼西林）
《天天天晴》（2010）
劉丹
角色：朱保（珠寶）；龍福珠寶鑲石師傅業務顧問
《貓屎媽媽》（2013）
曾航生
角色：遊戲商老闆尤器（遊戲）
《愛回家》（2014 ）
張繼聰
角色：常健新（常健身）；See See Fitness 星級瑜伽導師、總健身教練兼老闆、大股東
《醋娘子》(2014)
梁琤
角色:計素(計數);「一路棧」老闆娘,應該真系要計數。
《師奶Madam》（2015）
黃子恆
角色：花花公子邢藍（邢Sir；型男）
韓馬利
角色：賈美蓉（假美容）；曾偷老公羅帛（李成昌）買樓首期去日本整容。
《鬼同你OT》（2015）
陳豪
角色：總建築設計師米開朗；玩著名文藝復興建築師、藝術家米開朗基羅（Michelangelo；雖然都有人譯米高安哲羅、米開蘭基羅等）
蔣志光
角色：艾鐵文（IT Man）；資訊科技網絡保安總顧問。
《愛情食物鏈》(2015)
C君
角色:邢燁源;真系做竇凌食品的營業員。
講講《僵》。以上有幾套都系所謂輕鬆趣劇，劇情笑唔出，TVB 用角色諧音去當笑位，觀眾都俾你過。但今次《僵》，明明睇promo、第1集想sell 型，就無謂整呢啲角色名俾人抽秤啦。 （雖然第2集開始都露曬底轉曬tone）除非劇組覺得「仍活著」同「葉常綠」、「花蕊紅」一樣咁「有意境」、「有深度」。
講型，唔少觀眾就笑鄭嘉穎個look 似元華。咁似元華又點先？本人又覺得元華幾型。就算覺得似元華唔型，鄭嘉穎真正食糊／好睇其實系做奸仔（《通天幹探》），或者少許油腔滑調又有點佬味的角色，例如Law 霸或者第2集露曬底的夜吾夜老闆，總之唔系Chok 峰路線（呢套留返俾陳山蔥）。而號稱低成本製作的《我和殭屍有個約會》上咗神台，明明系MK金毛的尹天照都變型男。
就算話抄，EU 夠系抄，觀眾最終只會在意好唔好睇。而暫時睇咗兩三集，都唔計淫Kay 對大眼仔、念對白、演技同啲特技，劇情真系偏悶、唔夠力。都唔好話《大時代》秋官掟仔落樓自己唔敢跳、《天地豪情》一開波「撈家」賭錢賭到輸完姚瑩瑩間餐廳著草返香港輸埋郭藹明結婚買樓錢嗰種級數，《僵》連《潮流教主》一開波蔡思達被欽點做潮流教主接班人呢啲勉強叫有啲震撼位、引人入性位都做唔到。變咗俾人話似旅遊特輯，《衝上雲霄》其實都系咁上下，但人哋有馬欖鍾、吳鎮宇做機師嘛。 《僵》個頭開壞咗，睇下之後有無改善。