ViuTv昨晚播出由陳淑蘭（蘭子）主持的節目《晚吹-總有一隻喺左近》，以「賤格」為題訪問被封為「世紀賤男」的周永恆。
節目開始周永恆就發表對「賤格」的看法：「我覺得賤格係真實。」蘭子追住問：「即係你覺得一啲行為係真實，人哋覺得你賤格，咁真實嘅行為咪好賤格？」周永恆就解釋：「其實有時係賤畀你睇，都可以唔賤畀你睇架。你夠唔夠膽話你冇賤格過？再熟啲就賤啲，唔熟點賤畀你睇呀」。
蘭子問到好多人封他做賤男，他如何睇，周永恆就爆大鑊話：「我記得我上次嚟依度時，唔知邊個畀咗封信我讀，話『掂呀，你讀完之後就可以氹番...』。（前妻？）其實我未離婚，前妻又好，冇可以再一齊嘅，未搞掂嘅，anyway喇，佢喇。點知我讀一讀喇，死喇，話我係賤，話我係『人渣』。」周永恆話自己當時好「shuffle」，好hurt，之後蘭子就話佢當時接受好幾個訪問都係咁講，寸佢：「你唔係賤格，係笨x。」
之後節目請個按摩師上嚟，講佢遇過的賤男，按摩師連講兩個賤男案例話周永恆賤過佢哋，周永恆就嬲爆企起身話：「唔x玩，走！」爆曬粗行出錄影廠：「x，唔係咁呀，我上嚟畀你玩咩依家，想點呢依家。」
阿Roy今日在facebook上載當日有關方面，邀他上節目時指出是用探討人性黑暗面作招徠的cap圖留言，他隨即逐一反駁留言：「是咁的，當日viu請我上去是用意探討人性黑暗面作招徠，錄影當日去到化妝間見到蘭子小姐，大家有講有笑，我問佢要唔要對下稿，因為其實製作部有mark稿的，點知QQ小姐（另一嘉賓陳莉敏）又遲到，終於大家毫無準備下入廠，入到去Pa都有派稿的，點知Roll機時兩位大姐上曬身，明踩暗串非常有teamwork，我中伏中得多，心諗主持人、嘉賓唔跟稿，製作部點都會控制下，其實Pa姐姐都經已有用（大字報）提佢哋，我見佢哋原全無反應，中間叫停了機，直接問監製，何為探討人性黑暗面？我又問，點解主題改成這樣？....伏已中，街已出，錯已成，責已當，唔好屈我為錢同人夾稿，唔該。」
查看相片
由陳淑蘭（蘭子）主持嘅ViuTv清談節目《晚吹-總有一隻喺左近》主要係以人性陰暗面做主題，噚晚嗰集就請咗周永恆同埋陳莉敏（QQ）傾嚇「賤格」呢個主題，其實節目未出街嘅時候，唔少網民睇完預告已經話好期待。
節目一開始，蘭子就問對「賤格」有咩睇法，周永恆就認為賤格係真實，同埋睇嚇你同嗰個人嘅關係，熟啲就賤啲，而QQ嘅想法就同佢完全相反，認為愈親嘅人愈唔應該賤。
查看相片
之後，蘭子又問佢對好多人都稱佢做賤男有咩睇法，周永恆就話佢記得上次嚟呢度嘅時候（ViuTv未開台前），有人俾咗封信佢讀，話讀完之後就可以氹番阿Yu，之後佢讀完，就俾人話賤、話佢係人渣。蘭子即刻話周永恆其實可以唔讀，周永恆就話佢當時好「shuffle」。
當蘭子話去廣告嘅時候，周永恆就開始爆粗話佢「昆我上嚟，X街。X街，一坐低兩個X我！」
蘭子話好多娛樂雜誌都稱佢做「賤男」，就講周永恆打老婆呢件事，QQ就話佢郁手打老婆係唔啱，仲話呢啲就係賤格。周永恆就話佢冇話過自己啱，唔介意其他人點睇自己，佢最關心係佢兩個女。QQ之後仲笑佢好「shuffle」。
查看相片
節目仲請咗按摩師上嚟分享佢見過嘅賤男，仲話佢冇見過人賤得過周永恆，周永恆嬲到講粗口走人，更喺錄影廠門口同工作人員鬧交，之後工作人員帶佢走。點知佢又返嚟鬧蘭子，鬧完發完晦氣之後，佢又再起身走人。
查看相片
其實咩係當時好shuffle？有冇人估到佢講咩？
LINK 在此