大家都應該聽過，基督教係反對婚前性行為，但成年人的情慾有時又真係好難控制。話說早日前就有位高登巴打開Po，佢話自己一個朋友(你的朋友就是你?)的基督徒女友偷食，被金融才俊呃咗上床，破咗佢嘅「處」，而佢朋友同呢位基督徒女友一齊咗5年，喺5年間，佢哋從來都冇發生過性行為:「話說我朋友有一個女朋友，基督徒，因為信耶穌既關係，所以唔可以有婚前性行為，我朋友唔介意，因為佢話真心鐘意佢，等到結婚後先發生都唔緊。」
但點解會冇咗隻「處」嘅?件事是咁的:「點知5年感情，因為一次speed dating冇左(咗)，話說有一次佢女朋友幫手去speed dating做媒，識左個(啲)所謂金融才俊;當晚speed dating後就去左同個金融才俊飲野，飲多左就比個才俊撿屍，咁樣就冇左隻(處)。」
之後呢位高登巴打同佢位朋友都搵到呢位金融才俊，但呢位金融才俊就否認，巴打仲話:「我見我個fd有d情緒不穩，所以我代我個fd好冷靜咁問個基金佬關於個女仔既野。」以下就係佢哋的對話內容:
基金佬: [係，係識佢]
我: [有人話你強姦佢wor(喎)!]
基金佬: [痴X線，我同佢X過兩次，兩次都自願，點會係強姦?]
我: [人地話佢唔清醒，斷左片就比你姦左，拎埋隻(處)]
基金佬: [我有印象佢係處女，但就一定冇斷片，搞既時候酒醉3分醒]
我: [咁冇野喇]」
而巴打嘅朋友就好想同佢呢位基督徒女友分手，但佢女友唔願意，仲同巴打位朋友咁講:「今次件事係神比我地既考驗。」相信大家睇到呢度，即使有冇宗教信仰都會覺得呢位女朋友偷食完，仲搬信仰出來做籍口似乎唔合理。照咁睇只係呢位女仔被金融佬玩完即棄，想箍番巴打朋友呢個大水泡多啲囉！