無綫新劇《殭》昨晚播出第二集，講到不死人鄭嘉穎由荷蘭返到香港，開咗一間同某日本波畫好相似的深夜食堂，店名叫「夜吾夜」，搞到小編一望到就唱咗句「今晚_ _夜唔夜」…
嘉穎炮製咗碟「黯然銷魂飯」俾一位女客人，對方食後即時感動到淚流滿面，睇到一班觀眾個表情同陸永一樣。
之後先係戲肉，話說客串飾演客人的歌手吳業坤(坤哥)叫咗碗「一絲不掛麵」，不過佢接過碗麵後唔係即刻開動，而係企起身開始解開恤衫鈕…
見到坤哥爽快地剝衫，露 兩點之餘仲露出一大截豬腩肉！剝完衫仲剝埋褲，得番條「孖煙囪」，睇嚇啲女客人笑到幾開心。
之後呢兩個表情就更加不得了… 難怪嘉穎之前都話坤哥呢幕幫到手，為緊張的劇情詼諧一下！其後坤哥接受訪問時仲話，就算拍全 裸鏡頭都冇問題！