早幾日有個帖話咩個同事派帖封利是系coupon, 稍為有腦都一睇就知系打手廣告啦！當時我心諗，邊有人結婚結到咁cheap!?
點知轉頭我就遇到，我果個嫁水電工既朋友阿b, 我都唔expect佢個婚禮有幾風光，之前都提過個場地cheap到震
咁佢呢排開始著手搞姐妹裙既野，我都系其中一個姐妹，都唔期望d乜，佢求其去尖沙咀婚紗街買又好租又好啦，點知佢嫌貴，連mk金都果啲租佢都嫌貴，佢走去淘寶搵！
頭先收工就系收到佢whatsapp send d相嚟，叫我地報返要大/中/細碼，我睇到眼都突埋，32蚊人仔一條！我食個早餐都唔止啦，同埋個款真系好醜好醜，一d都唔高貴，個藍色灰灰沉沉，仲有d似小朋友d芭蕾舞裙，叫我地點著。。。
佢計縮數我地6個姐妹，加埋都系$186,仲諗住同賣家講價叫佢唔好連運費，真系唔知講乜好！
咁我八卦就系個group問咁佢揀左婚紗未，要唔要襯返你d色呀咁，唔問由自可，一問真系更恐怖，佢話佢已揀左條好特別既婚紗。。於是又send左張圖嚟。。。
系，系好特別，特別丑丫嘛！系一條粉紅色慨裙，好似barbie裙果d老土粉紅色，上面有好多立體花花，真系咩taste??!! 條裙只系賣$128人仔。阿b系咁話好抵，好開心搵到又靚又平。。。有姐妹問佢仲有冇揀多幾條當晚換，佢話冇！！！成晚只著一條！！！
我諗其他姐妹都啞哂，求其send下贊好手勢覆佢。。。我今次精左，唔會出聲，見佢地send贊好即跟住比贊!
講真，識咁多年都唔覺阿b咁cheap又咁bad taste, 唔知系唔系比個cheap男人拖到down哂grade! 唉。。。我真系唔想著果條姐妹裙。。。