又係好歌獻給你嘅時候：女大要十八變～看我七十二變「宇宙最強」甄子丹向來睇得又打得，更不時於網上大曬功架。今次子丹就喺網上轉截囡囡Jasmine（甄濟如）一段勁舞短片，仲發文寫道：「我的十二歲女兒Jasmine遺傳了媽媽的天賦！」
著住一身全黑「舞」裝嘅Jasmine雖然只得12歲，但望落身形高挑，整體感覺同以前好唔同。而佢嘅動作同表情都極之專業，無論腰、大腿及雙手均相當有力，成件事更加係台風十足，果然遺傳足父母嘅優良基因！
詩詩曬火辣泳裝照
另成家都咁強嘅甄氏家族，媽咪汪詩詩亦喺網上曬出泳裝照，大曬長長美腿，隨即令唔少網民留言大讚索爆：「果然是位辣媽！keep得真好!」
其實識睇，一定要睇片。
嗰種節奏感同力度，真係唔係一般人可以做到。
無論舞姿同個樣，都感覺唔到甄濟如只係十二歲。
身體唔柔軟，絕對做唔到咁嘅動作。
勁有節奏感。
飛舞嘅秀髮，話咗畀大家知，濟如跳得有幾勁。
雖然仲係少女，但呢個背影，已經好有女人味，前途無可限量。
2015年嘅甄濟如。
一個星期前嘅甄濟如（右），因為戴咗眼鏡，所以同舊年都冇乜大分別。
不過除咗眼鏡嘅佢，就靚到揼一聲，網民都大讚有仙氣，原來唔單止女大會十八變，爭副眼鏡都一樣可以。
同場加映汪詩詩，真係成家嘅血統都好優良。