老區土瓜灣，市井得來有點混亂，林立的舊樓，隱藏很多心機小店，以及一個個獅子山故事，甘露甜品的事頭婆蘭姐就是其中之一。36年前，年僅廿歲的中 山少女，心口 掛個勇字，用五千蚊偷渡來港，跟叔公在九龍城推車仔，日穿數百串魚蛋魷魚，朝七晚十一，密密做，唔怕辛苦，夢想有一天能夠擁有自己舖頭。日曬雨淋幾年，儲 到兩萬八，押下全副身家，在土瓜灣頂了一間涼茶小店，開始賣糖水。開檔時，手緊得要典當僅有的一枚戒指，套現幾百蚊來買碗筷檯椅。沒有人比蘭姐更明白窮的 滋味，再艱難，一咬牙，還是捱過。
紅色牌的糖水是開檔售賣至今，白色牌就是 97 時因為生意不好新增的鹹點，時代變遷，一目了然。
蘭姐同老公輪班制，老公主力一早一晚煲糖水及收拾清潔，她就負責樓面奉客，致力同街坊交流溝通。
日 做夜做，無時間識男仔。經親戚介紹，識到做廚的老公。蘭姐並不港女，無車無樓都不相干，只求勤力踏實，而且要是同行。「合桃糊同芝麻糊都識咗我老公先有得 賣，嫁個做飲食業的就有呢度好，起碼啱傾先！」事實證明，蘭姐沒有錯，兩公婆胼手胝足，一起將甘露甜品做旺。八、九十年代，土瓜灣很熱鬧，近機場、又有工 廠大廈，適逢經濟起飛，加班後宵夜的人絡繹不絕，淨賣糖水，生意多得一雙手做不完。蘭姐總共生 了5個孩子，陀仔煮飯教功課打仔，通通都在這間幾百呎舖頭仔發生，每天忙忙亂亂做足十幾個鐘，辛苦卻很充實。一直到97金融風暴，人人愁眉苦面，不想食糖 水。蘭姐就重操故業，加賣魚蛋魷魚豬皮，當年做小販跟過老師傅學做獨門沙嗲醬的功夫又派用場，鹹 點一出，生意果然回升。
手寫餐牌，無處不在。
蘭姐坦言， 現今食糖水的人比較少，店中大部分收入都是靠魚蛋燒賣支撐。
魚蛋$6/串 魚蛋雖是行貨，只挑彈牙不死實， 咬起來有淡淡陳皮香的， 再配沙嗲 醬，香而不辣。
三 十年眨眼過去，兒女已經出身，舖位又是早年買下，生活無憂。蘭姐無暇回首前塵，反而更懂得欣賞眼前的工作。「老公每朝十點就落舖煲糖水，炒芝麻、炸合桃， 又要整豆腐花。我就瞓到中午，施施然下來開門做生意。之後，老公回去休息，我就一夫當關。日日如是，同街坊傾嚇偈，開開心心又一日。」富足，從不等於大富 大貴；能夠活在 當下，生活感恩，就是最大的幸福。
芝麻糊$16 蘭姐笑言自己當年看中老公是大廚，芝麻糊就是老公最拿手的甜品，成功俘虜芳心。
荔茸椰汁西米露$16 看似無料的西米 露，吃一啖，竟然滿嘴芋香，原來蘭姐早將芋頭打碎入饌。
喳咋$16 由當年$2.5/碗， 賣到現在 $16，用料從不改變，足足八種材料，煲三個 鐘，入口起沙，椰味香濃，甜度順喉。
年輕的張氏一家是熟客，蘭姐看著兩位小朋友出世成長，街坊成了朋友。
甘露甜品
地址：土瓜灣美景街50號（顯示地圖）
電話：2363 3835
營業時間：1pm-12:30am
平均消費：$20/位