「陪你去看流星雨落在這地球上。」聽到呢一句，大家就會不其然諗起台灣組合F4！當年佢哋憑《流星雨》一曲爆紅，成為咗好多少女心目中嘅男神，人氣拍得住呢家啲韓國組合架！
不過時光飛逝，眨下眼大家都變成成年人，四位成員各有發展，其中三位仲已經成家立室。今日周渝民仲宣布要做人爸爸啦！其實依家聽返佢哋啲歌，真系不禁令人回想過去，F4陪住我哋成長，系一個時代嘅指標呀！
當年佢哋唱《流星雨》唱到街知巷聞，到依家仍然有好多人模仿佢哋個MV。佢哋四個拍埋偶像劇《流星花園》，成為好多少女心目中嘅男神。
不過人會長大，當時青澀嘅佢哋，呢家都已經變成熟男，喺事業上都各有發展，有啲仲已經娶埋老婆啦！
【周渝民】
周渝民呢幾年就專注拍電影同電視劇，仲威水到喺2013年拎咗金鐘獎「戲劇節目男主角獎」。2015年，佢仲同女友喻虹淵結婚！
尋日仲宣布即將做爸爸呀！恭喜！
【吳建豪】
吳建豪嘅發展就非常多元化，又出個人專輯，又拍電視劇電影。2013年同新加坡棕櫚油百億千金石貞善結婚。
以前不羈嘅吳建豪，依家都成為咗熟男。不過婚後，就經常傳出佢哋兩公婆嘅婚變傳聞。
【朱孝天】
朱孝天就專注拍劇，不過對比其他幾位，就甚少見到佢露面啦！今年3月更喺活動上默認，同女友韓雯雯已婚添！
朱孝天嘅身形就比以前肥咗好多，大成兩個碼。好事要成雙呀，咁就快啲追上周渝民，做人爸爸啦！
【言承旭】
F4入面唯一未婚嘅，就系言承旭啦！單飛之後，佢就喺電視電影界發展，早排仲喺《我的少女時代》客串添！
言承旭個樣都真系冇咩變。感情上，最為人熟悉嘅就系佢同林志玲嘅一段情，之前兩個人仲隔空話有復合機會，但依家言承旭嘅感情依然系冇動靜。
其實F4系一個時代嘅印證，陪住我哋每一個人成長，見到佢哋依家結婚嘅結婚，生仔嘅生仔，真系好欣慰架。言承旭年紀都有返咁上下啦，都希望佢快啲搵啱人，儘早結婚啦！
金句王
微信號：jinjuking