時間：農曆七月十四，晚上十一點三十分
地點：羅湖出境大樓
本人係羅湖某department職員，個日係農曆七月十四，係晚上十一點半既時候，已經冇咩人過關，所以個出境大樓已經冇咩人喇。果時因為我要寫log book 既關係、所以係一個黑暗既角落度寫，順便偷下懶，等收工。
突然，有隻手係我背後度搭落黎，用低沈既話氣叫：「亞sir。」 咁我向後一望、係一個大約80歲既亞伯。 個亞伯拎住自己張身份證，問我：「亞sir，點樣可以取消張身份證，申請死亡證呀？」
我當時望下張身份證，以為自己眼花，所以再望多幾下，點知真係個亞伯個樣。 我心諗唔係咁邪呀，六合彩又唔見我中。
我即刻嚇到標冷汗，腳又震，勁想走，但係又唔走得，因為著住制服。
我靜左十幾秒，之後我就扮冷靜，同佢傾計。
我問：「幾時唔係度架？
亞伯眼濕濕咁答：「早兩日囉，無端端咁就唔係度喇。」
我當時想叫出黎，但係又驚我一叫，個亞伯俾鬼樣我睇。
我再問：「係邊度過身架？」
佢答我：「係深圳。」
咁我就問：「咁我而家有咩幫到你呀。」
佢就話：「咩都唔洗，淨係幫我老婆申請張死亡證。
我就話：「你老婆？乜唔係你咩。」
佢話：「大吉利是，我老婆！唔係我呀。」
我話：「咁你又拎你張身份證俾我睇？」
佢話：「下，係我個張咩。」 跟住佢就望一望，拎左第二張出黎。
佢話：「亞sir，唔好意思，我老得滯，眼花，睇錯左。」
我就足足鬧左佢成十分鐘，話：「唔好玩喇亞伯，嚇死人喇，七月十四攪d咁既野。」
個亞伯就好唔好意思咁，係咁話對唔住.....