早兩日Janice Man憑一條打出成只右脾慨Versus黑色晚裝成功占據我成個facebook，如果唔系《十年》拎到最佳電影佢幾乎就系成個金像獎最大亮點。不過都有好多人話佢只腳粗、五五身同自暴其短(利申，法官大人，我_)，仲有人(系，我哋有份)搵到上年越南女星Ngoc Trinh 原來著過同一條裙出席韓國頒獎典禮！
Ngoc Trinh(Google Translate話系「鄭玉」喎)，乃係越南有名慨性 感女星，有「內衣皇后」、「比堅尼女神」等稱號。1989年出世慨佢有172cm高，33-23-36慨均稱身材。佢由15歲開始就加入越車時裝界，16歲就贏得「珠寶小姐」比賽冠軍，之後又贏得2005年「超模越南」慨最上鏡小姐。佢由2011年于越南網絡爆紅之後，就一直活躍于越南慨娛樂圈。我哋之前仲介紹過佢為越捷航空拍慨比堅尼宣傳照添呀！
按照身高身材比例黎講，Ngoc Trinh的確更加能夠突顯條裙慨設計特色(利申，法官大人，我都_)，但又唔好以為佢當時著就贏得一片好評喎！雖然當日佢喺頒獎禮著呢件衫系艷壓群芳，但越南國內就對佢慨性 感打扮頗為不滿，認為佢影響越南演員於國際間慨形象，更加有傳越南慨文化、運動及旅遊部有所處罰，好彩最後冇事。
嗱，其實我就覺得無論系Janice Man定系Ngoc Trinh，著呢條裙出黎都係為咗造福人群慨啫！咁人家咁有善心你冇理由嫌三嫌四喊打喊殺呀？就等我哋抱住感恩之心、揸好紙巾，用一個穩定慨律動黎表達我哋慨謝意啦！