藝人鄧麗欣（Stephy）與方力申上月分手後，迅速換走定情車牌「SF」，改用代表自己的「ST」。而圈中亦有不少情侶分手後斬情絲，換走「舊嘢」，免得觸「物」傷情！
張栢芝改紋身 張栢芝在2002與謝霆鋒撻著，被撞破同游泰國拍拖，愛得投入的栢芝更為愛郎紋下「愛的印記」，於足踝上紋上「CCN」代表Cecilia Cheung及Nicolas，後來兩人分手後栢芝將紋身改成花圖騰。
熊黛林自己畀錢換車 熊黛林（Lynn）2006年與郭富城傳出緋聞，城城更曾在2008年送她Mini Cooper作生日禮物，分手後Lynn自掏腰包換車。之後她與郭可頌相戀，獲男友送「波子」及情侶車牌，羨煞旁人！
胡杏兒極速搬屋 胡杏兒及黃宗澤在2012年宣希結束8年情，二人原本住在同一大廈的上下層，方便日見夜見解相思之苦，甩拖後杏兒即搬離舊居，並匆匆在四個月內處理好新屋的裝修，免得與舊愛撞口撞面。
謝婷婷棄「撫養權」 安志傑與謝婷婷拍拖時曾共同養狗，2013年二人公布4年情已逝，愛犬的「撫養權」歸男方，狗狗亦成為安志傑與老婆JC的家庭成員之一，二人相當愛錫狗狗，更不時於社交網上甫愛犬的照片。
鄧麗欣同方力申上月分手之後，Stephy都即刻換走咗定情車牌！（資料圖片）
熊黛林同郭富城分手之後，就自己畀錢換車都唔再用城城送畀佢嗰架。夠型！（資料圖片）
Stephy嘅車牌由同小方定情嘅「SF」，換咗做代表自己嘅「ST」！（資料圖片）
胡杏兒同黃宗澤分手之後就極速搬屋，廢事住樓上樓下成日撞口撞面。（資料圖片）
張栢芝同謝霆鋒分手之後，紋身都改埋！（資料圖片）
而謝婷婷同安志傑分手之後就放棄狗狗嘅「撫養權」，狗狗歸男方！（資料圖片）